पुण्यात चोरट्यांचा धुमाकूळ, देवालाही सोडलं नाही; शिवाजीनगरमधील मंदिरात चोरीचा थरार

शिवाजीनगर गावठाण परिसरात मांढरदेवी काळूबाईचे प्राचीन मंदिर आहे. शुक्रवारी मध्यरात्रीच्या सुमारास जेव्हा संपूर्ण परिसर शांत होता, तेव्हा चोरट्यांनी मंदिराला लक्ष्य केले. चोरट्यांनी मंदिराच्या मुख्य दरवाजाचे कुलूप उचकटून आत प्रवेश केला. गाभाऱ्यात प्रवेश केल्यानंतर चोरट्यांनी देवीच्या मूर्तीवरील सुमारे ३० हजार रुपये किमतीचा चांदीचा मुकुट चोरून नेला. शनिवारी सकाळी मंदिर उघडल्यानंतर हा चोरीचा प्रकार उघडकीस आला.

पिंपरी-चिंचवड शहरातून आणखी एक धक्कादायक गुन्हेगारीची घटना समोर आली आहे. यात रिक्षात बसू न दिल्याच्या क्षुल्लक कारणावरून एका रिक्षाचालकावर प्राणघातक हल्ला करण्यात आला आहे. चिंचवडमधील शिवाजी चौकात शनिवारी रात्री ही थरारक घटना घडली. या हल्ल्यात रिक्षाचालक गंभीर जखमी झाला असून, आरोपींनी त्याला लुटलं देखील आहे.