अवघ्या 2 वर्षांच्या चिमुकल्याची कमाल, 218 फ्लॅश कार्डस ओळखत केली इंडिया बुक ऑफ रेकॉर्डमध्ये नोंद

यामध्ये 12 आकृती, 17 फळे, 10 पक्षी, 14 प्राणी, 20 श्वान प्रकार, 30 कार लोगो, 15 मसाले, 15 फुले, 12 देव, 15 वाद्य प्रकार, 10 शरीराचे अंतर्गत अवयव, 10 नृत्य प्रकार, 10 अवकाशातील ग्रह, 26 इंग्रजीमधील मुळाक्षरे आणि 1 ते 10 अंक याचा समावेश आहे. याव्यतिरिक्त शिवांश 21 देशांचे ध्वज, 20 प्रकारची दळणवळणची साधने तसेच देशभक्त, शास्त्रज्ञ तो ओळखतो.

शिवांशने हा रेकॉर्ड केला तेव्हा तो 1 वर्ष 10 महिन्याचा होता. वेगवेगळे फ्लॅश कार्ड ओळखतो म्हणून त्याला हे मेडलं आणि इंडिया बुक ऑफ रेकॉर्डकडून आयबीआर अचिव्हर म्हणून सर्टिफिकेट देखील मिळालं आहे. या फ्लॅश कार्डमध्ये डॉग ब्रिड्स, फळं, प्राणी, पक्षी, आकृत्या, शरीराचे अंतर्गत अवयव असे तो 218 फ्लॅश कार्ड हे ओळखत होता. परंतु आता तो जवळपास 500 हुन अधिक फ्लॅश कार्ड हे ओळखतो. त्याला टीव्ही आणि मोबाईल पासून लांब ठेवण्यासाठी हे दाखवायला सुरुवात केली. त्यामध्ये चित्र असल्यामुळे तो आवडीने बघतो. आतापर्यंत असं माहीत नव्हते रेकॉर्ड करता येतो. पण आता माहीत झाल्यामुळे जास्तीत जास्त फ्लॅश कार्ड ओळख असा रेकॉर्ड त्याच्या नावाने झाला पाहिजे अशी इच्छा आहे, अशा भावना शिवांशची आई स्वाती नाथ यांनी व्यक्त केली आहे.