Pune Shocking : महाशिवरात्रीला हरिश्चंद्रगडावर रडारड; देवाचं दर्शन घेऊन पायउतार होताच घात झाला

दरम्यान उताराच्या वाटेवर चालत असताना डोंगरावरील एक मोठा दगड अचानक निसटला. हा दगड थेट त्यांच्या डोक्यावर येऊन आदळला. जोरदार धक्का बसल्यामुळे सुरेश डामसे खाली कोसळले आणि काही क्षणांतच बेशुद्ध झाले. सोबत असलेल्या इतर भाविकांनी तातडीने मदतीसाठी धाव घेतली. मात्र डोक्याला गंभीर दुखापत झाल्याने त्यांचा जागीच मृत्यू झाल्याचे स्पष्ट झाले.

महाशिवरात्रीमुळे गडावर भाविकांची मोठी गर्दी होती. या घटनेनंतर परिसरात हळहळ व्यक्त करण्यात आली. स्थानिक प्रशासन आणि पोलिसांनी घटनास्थळी धाव घेत पंचनामा केला. डोंगराळ भागात सैल दगडांमुळे अशा प्रकारच्या दुर्घटना घडू शकतात त्यामुळे गड चढ-उतार करताना अधिक काळजी घेण्याचे आवाहन करण्यात आले आहे.