Pune : नोकरी मिळाली नाही म्हणून इंजिनिअर बनला चोर, पुण्यातून लॅपटॉप-मोबाईल सगळंच गायब केलं

पुणे : एका उच्चशिक्षित बेरोजगार तरुणाने पुण्यात नोकरी मिळत नसल्यामुळे चोरीचा मार्ग अवलंबला आहे. हिंजवडी पोलिसांनी याप्रकरणी 29 वर्षांच्या निखील खाडे याला अटक केली आहे. निखीलकडून पोलिसांनी 10 मोबाईल फोन आणि 2 लॅपटॉप जप्त केले आहेत. निखील दोन महिन्यांपूर्वी नोकरीच्या शोधात पुण्यात आला होता, पण त्याला काम मिळालं नाही. त्यामुळे त्याने पीजीमध्ये राहणाऱ्या मुलांचे मोबाईल आणि लॅपटॉप चोरायला सुरूवात केली.