'आयुषचा जीव घेतला', गुंड बंडू आंदेकरची लेक पोलीस ठाण्यात; बापाविरोधात दिली तक्रार

म्होरक्या बंडूअण्णा आंदेकर

त्याचा मुलगा कृष्णा आंदेकर

पुतण्या शिवम आंदेकर

नातू स्वराज वाडेकर

तुषार वाडेकर

अभिषेक आंदेकर

शिवराज आंदेकर

वृंदावनी वाडेकर

लक्ष्मी आंदेकर

अमन युसुफ पठाण उर्फ खान

यश सिद्धेश्वर पाटील

आयुष कोमकर याची आई कल्याणी गणेश कोमकर यांच्या फिर्यादीवरुन समर्थ पोलीस ठाण्यात हा गुन्हा दाखल झालाय.

मागच्या वर्षी 1 सप्टेंबर रोजी माजी नगरसेवक वनराज आंदेकर याच्यावर गोळ्या झाडून आणि कोयत्यानं वार करून खून करण्यात आला होता. वनराज आंदेकरची बहीण संजीवनी,तिचा पती जयंत, दीर गणेश, प्रकाश यांच्याशी वाद झाले होते. याच कौटुंबिक, संपत्ती,तसंच वर्चस्वाच्या वादातून वनराज आंदेकर याचा खून झाल्याचं पोलिसांच्या दोष आरोपात नमूद करण्यात आलेलं. या प्रकरणात पोलिसांनी 16 आरोपींना अटक करण्यात आली होती.

सोमनाथ गायकवाड

अनिकेत दूधभाते

वनराज आंदेकर याची बहीण संजीवनी कोमकर

पती जयंत कोमकर आणि

दीर गणेश कोमकर

याच हत्येचा बदला आयुष याच्या खुनाद्वारे घेण्यात आलाय. पोलिसांनी दिलेल्या माहितीनुसार, आरोपी गणेश कोमकरचा मुलगा आयुष हा नाना पेठेतील एका सोसायटीत राहायला होता. शुक्रवारी 5 सप्टेंबरला सायंकाळी 8 वाजेच्या सुमारास तो दुचाकीवरून लक्ष्मी कॉम्प्लेक्स सोसायटीत आलेला. तो तळमजल्यावर दुचाकी लावत होता, त्या वेळी दबा धरून बसलेल्या अमन खान, यश पाटील यांनी त्याच्यावर 11 गोळ्या झाडल्या..आयुषच्या खुनाचा कट बंडुअण्णा आंदेकर आणि इतर आरोपींनी रचल्याचं कल्याणी कोमकरचं यांनी फिर्यादीत लिहिलंय.