रथ सप्तमीला बनतोय अत्यंत दुर्मिळ योग, उद्या जेवणात चुकूनही वापरू नका 'ही' गोष्ट; एका चुकीमुळे ओढवेल संकट!

Published by:Manasee Dhamanskar

Last Updated:Jan 24, 2026 6:29 PM IST

उद्या 'रथसप्तमी' मोठ्या उत्साहात साजरी केली जाणार आहे. माघ शुद्ध सप्तमीला भगवान सूर्यदेवाचा जन्म झाला, म्हणून याला 'आरोग्य सप्तमी' किंवा 'सूर्य जयंती' असेही म्हटले जाते. यंदाची रथसप्तमी विशेष आहे कारण ती रविवारी येत आहे.

Rath Saptami 2026 : उद्या 'रथसप्तमी' मोठ्या उत्साहात साजरी केली जाणार आहे. माघ शुद्ध सप्तमीला भगवान सूर्यदेवाचा जन्म झाला, म्हणून याला 'आरोग्य सप्तमी' किंवा 'सूर्य जयंती' असेही म्हटले जाते. यंदाची रथसप्तमी विशेष आहे कारण ती रविवारी येत आहे. रविवार हा सूर्यदेवाचा वार असल्याने यंदा 'भानू सप्तमी' आणि 'रथसप्तमी' असा दुर्मिळ दुग्धशर्करा योग जुळून आला आहे. या अत्यंत शुभ मुहूर्तावर सूर्यदेवाची उपासना करताना अन्नाच्या बाबतीत एक कडक नियम पाळला जातो. शास्त्रानुसार, रथसप्तमीच्या दिवशी जेवणात 'मिठाचा' वापर करणे पूर्णपणे वर्ज्य मानले जाते.

रथसप्तमीला 'मीठ' का खाऊ नये?

सूर्यदेवाचा कोप आणि आरोग्यावर परिणाम

ज्योतिषशास्त्रानुसार, मीठ हे 'शनी' आणि 'राहू' या ग्रहांशी संबंधित मानले जाते. सूर्य हा प्रकाशाचा आणि आरोग्याचा कारक आहे, तर शनी हा सूर्याचा शत्रू मानला जातो. सूर्य जयंतीच्या दिवशी मिठाचे सेवन केल्याने शरीरातील सूर्याचे तेज कमी होते आणि शनीचा प्रभाव वाढतो, अशी धार्मिक धारणा आहे. यामुळे आरोग्याच्या तक्रारी, विशेषतः त्वचेचे विकार उद्भवू शकतात असे मानले जाते.

'अलोणा' व्रताचे महत्त्व

रथसप्तमीला अनेक भाविक 'अलोणा' व्रत करतात. मिठाचा त्याग करणे हे इंद्रियांवर ताबा मिळवण्याचे आणि शरीराची शुद्धी करण्याचे प्रतीक आहे. शास्त्रात सांगितले आहे की, जो व्यक्ती वर्षातून किमान एकदा रथसप्तमीच्या दिवशी मिठाचा त्याग करतो, त्याला वर्षभर आरोग्याच्या समस्या भेडसावत नाहीत.

रथसप्तमीचे महत्त्व आणि पाळायचे नियम

1. मिठाचा पूर्ण त्याग: उद्याच्या दिवशी सकाळी सूर्योदयापासून ते सूर्यास्तापर्यंत अन्नामध्ये मीठ टाकू नये. शक्य असल्यास केवळ फळांचे किंवा गोड पदार्थांचे सेवन करावे. यामुळे शरीरातील 'सोडियम'ची पातळी संतुलित राहण्यास मदत होते आणि मानसिक एकाग्रता वाढते.

2. दुधाचा नैवेद्य: रथसप्तमीला अंगणात मातीच्या चुलीवर किंवा गॅसवर दूध आटवण्याची परंपरा आहे. हे दूध उतू जाऊ दिले जाते, ज्याला 'सूर्याला अर्घ्य देणे' असे म्हणतात. या दुधात तांदूळ आणि गूळ घालून 'खीर' बनवली जाते. लक्षात ठेवा, या खिरीतही मिठाचा अंश नसावा.

3. अर्क पत्रांचे स्नान: उद्या सकाळी अंघोळ करताना शरीराच्या सात भागांवर रुईची पाने ठेवून स्नान करावे. यामुळे सात जन्मांचे पाप धुऊन जाते आणि शरीरातील नकारात्मक ऊर्जा नष्ट होते, असे मानले जाते.

4. सूर्याला अर्घ्य आणि मंत्रोपचार: उद्या सकाळी तांब्याच्या कलशात पाणी घेऊन त्यात लाल फुले, अक्षता आणि कुंकू टाकून सूर्याला अर्घ्य द्यावे. यावेळी 'ॐ सूर्याय नमः' किंवा 'आदित्य हृदय स्तोत्राचे' पठण करावे.

5. दानधर्माचे महत्त्व: यंदाच्या खास योगामुळे उद्या गहू, तांब्याची भांडी किंवा गूळ दान करणे अत्यंत फलदायी ठरेल. ज्यांच्या कुंडलीत सूर्य कमकुवत आहे, त्यांनी उद्या मिठाचा त्याग करून गरजू व्यक्तीला लाल वस्त्र दान करावे.

टीप : (वरील माहिती सामान्य माहितीवर आधारीत आहेत. न्यूज 18 मराठी याची पुष्टी करत नाही. आपला उद्देश तुमच्यापर्यंत माहिती पोहोचवण्याचा आहे.)

view comments

Location :

Mumbai,Maharashtra

First Published :

Jan 24, 2026 6:29 PM IST

रथ सप्तमीला बनतोय अत्यंत दुर्मिळ योग, उद्या जेवणात चुकूनही वापरू नका 'ही' गोष्ट; एका चुकीमुळे ओढवेल संकट!