Spirituality: अशा विशिष्ट रचनेचा नारळ सापडला तर जपून ठेवा, लाखात असं एक सापडतं श्रीफळ

मुंबई, 29 नोव्हेंबर : हिंदू धर्मात नारळाशिवाय कोणतीही पूजा पूर्ण होत नाही. पूजेनंतर प्रसादाच्या स्वरूपात किंवा भेटवस्तू म्हणूनही नारळ हा पूजाविधीचा एक महत्त्वाचा भाग आहे. नारळाला श्रीफळ देखील म्हणतात आणि सामान्यतः लोक सर्व नारळांना श्रीफळ संबोधतात, परंतु हा गैरसमज आहे. वास्तविक, सर्वच नारळ हे श्रीफळ नसतात. फक्त एकाच विशिष्ट प्रकारच्या नारळाला श्रीफळ म्हणतात, जो श्री म्हणजेच लक्ष्मीचा दाता मानला जातो. हजारो किंवा लाखो नारळांमध्ये एक असा श्रीफळ सापडतो. सर्व नारळ शुभ असतात पण (एकाक्षी) एकमुखी नारळ हा लक्ष्मीचा दाता आहे, असे म्हटले जाते आणि ज्याच्याकडे असेल त्याला धन-दौलत कधी कमी पडत नाही.