Makar Sankranti 2024: मकर संक्रातीचं धार्मिक महत्त्व सांगणाऱ्या या गोष्टी अनेकांना माहीत नाहीत

मकर संक्रांतीच्या दिवशी तीळ आणि गुळाचे लाडू बनवण्याची परंपरा आहे. भूतकाळातील कटू गोष्टी विसरून नवीन गोड सुरुवात करण्याची परंपरा यामागे आहे. वैज्ञानिक आधारावर बोलायचे झाले तर तिळाचे सेवन केल्याने शरीर उबदार राहते आणि यातील तेलामुळे शरीराला भरपूर आर्द्रताही मिळते. एक सण, अनेक नावे भारताबरोबरच दक्षिण आशियातील इतर अनेक देशांमध्येही मकर संक्रांतीचा सण साजरा केला जातो. वेगवेगळ्या राज्यांमध्ये वेगवेगळ्या पद्धतीने तो साजरा केला जातो. देशाच्या बहुतांश भागात याला मकर संक्रांत म्हणतात. तामिळनाडूमध्ये पोंगल, गुजरातमध्ये उत्तरायण, पंजाबमध्ये माघी, आसाममध्ये बिहू आणि उत्तर प्रदेशमध्ये खिचडी म्हणतात. नेपाळ, थायलंड, म्यानमार, कंबोडिया, श्रीलंका आदी देशातही मोठ्या भक्तिभावाने हा सण साजरा करतात.

मकर संक्रांतीचा सण आरोग्यासाठीही अनेक अर्थाने फायदेशीर आहे. सकाळी पतंग उडवण्याच्या बहाण्याने शरीराला जो सूर्यप्रकाश मिळतो, त्यातून ‘ड’ जीवनसत्त्व मुबलक प्रमाणात मिळते. हे त्वचेसाठी खूप चांगले मानले जाते आणि थंडीच्या हवामानात होणार्‍या अनेक समस्या दूर करण्यातही ते उपयुक्त आहे.