Maha Shivratri Vrat 2026: महाशिवरात्रीचा उपवास कधीपासून-कधीपर्यंत करावा; व्रताचे अचूक नियम-विधी, उपवास सोडण्याची वेळ

महाशिवरात्री व्रत वेळ 2026 - महाशिवरात्री व्रताची सुरुवात 15 फेब्रुवारी 2026 रोजी सकाळी 5 वाजून 17 मिनिटांनी होईल आणि या व्रताची समाप्ती 16 फेब्रुवारी 2026 रोजी सकाळी 06:59 नंतर केली जाईल. व्रताच्या दिवशी अन्नाचे सेवन करू नये, केवळ फलाहार करावा. शक्य असल्यास या दिवशी रात्री जागरण आवर्जून करावे.

महाशिवरात्री पूजा मुहूर्त 2026 -

निशिता काळ पूजा वेळ - 15 फेब्रुवारी 2026 च्या मध्यरात्री 12:09 ते 01:01 पर्यंत

रात्रीचा प्रथम प्रहर पूजा वेळ - 06:11 PM ते 09:23 PM

रात्रीचा द्वितीय प्रहर पूजा वेळ - 09:23 PM ते 12:35 AM (16 फेब्रुवारी)

रात्रीचा तृतीय प्रहर पूजा वेळ - 12:35 AM ते 03:47 AM (16 फेब्रुवारी)

रात्रीचा चतुर्थ प्रहर पूजा वेळ - 03:47 AM ते 06:59 AM (16 फेब्रुवारी)

महाशिवरात्री व्रत विधी -

महाशिवरात्रीच्या दिवशी सकाळी लवकर उठून स्नान करावे आणि व्रताचा संकल्प करावा. त्यानंतर भगवान शिवाची शास्त्रोक्त पद्धतीने पूजा करावी. दिवसभर उपवास करावा आणि अन्नाचे सेवन अजिबात करू नये. या दिवशी फळाहार घेता येतो. संध्याकाळी पुन्हा एकदा पूजा करावी आणि महाशिवरात्रीची कथा वाचावी किंवा ऐकावी. रात्री जागरण करून 'ॐ नमः शिवाय' या मंत्राचा जप करावा. या दिवशी रुद्राभिषेक करणे अत्यंत शुभ मानले जाते. त्यानंतर दुसऱ्या दिवशी म्हणजेच 16 फेब्रुवारी रोजी सकाळी 7 वाजल्यानंतर आपले व्रत सोडावे.