नागपंचमीला का पाजतात सापांना दूध?, परंपरा कशी झाली सुरू? घ्या जाणून

दरवर्षी नागपंचमी हा सण श्रावण महिन्यातील शुक्ल पक्षाच्या पाचव्या दिवशी साजरा केला जातो. या दिवशी हिंदू भाविक नागाची पूजा करतात. नागपंचमीचा सण या वर्षी 9 ऑगस्ट 2024 रोजी साजरा केला जाईल. या दिवशी नागाची पूजा करून त्याला दूध अर्पण करण्याची परंपरा अनेक वर्षांपासून सुरू आहे. नागपंचमीला नागाला दूध पाजण्यामागे काय कथा आहे, असा प्रश्न अनेकांना पडत असेल. हिंदू धर्मातील कथांमध्ये असं म्हटलंय की नागपंचमीला सापांची पूजा करून त्यांना दूध पाजल्यास लक्ष्मी घरी येते. दूध पाजल्याने नाग प्रसन्न होतात आणि त्यांच्या कृपेने लक्ष्मी कधीही घराबाहेर जात नाही तसंच नागाची पूजा केल्याने लोकांना सर्पदंशाची भीती राहत नाही.