नशिबाची साथ अन् धनवर्षाव! घराच्या 'या' दिशेला लावा तुळस, रातोरात चमकेल नशीब

वास्तुशास्त्रानुसार, तुळशीचे रोप लावण्यासाठी उत्तर किंवा ईशान्य दिशा सर्वात शुभ मानली जाते. ईशान्य दिशेला 'देवांची दिशा' मानले जाते. येथे तुळस लावल्याने घरात सुख, समृद्धी आणि शांती येते. तर उत्तर दिशा धनाचा राजा कुबेर याची मानली जाते. येथे तुळस लावल्याने आर्थिक मार्ग मोकळे होतात आणि व्यवसायात प्रगती होते. जर तुम्हाला उत्तर किंवा ईशान्येत जागा नसेल, तर पूर्व दिशेलाही तुळस लावता येते. यामुळे समाजात मान-सन्मान वाढतो.

घराची दक्षिण दिशा ही पितरांची आणि यमाची दिशा मानली जाते. वास्तू तज्ज्ञांच्या मते, दक्षिण दिशेला लावलेली तुळस घरामध्ये वास्तुदोष निर्माण करते. यामुळे कुटुंबातील सदस्यांचे आरोग्य बिघडू शकते आणि घरात गरिबी येऊ शकते. दक्षिण दिशेला सूर्यप्रकाश जास्त असल्याने तुळस लवकर सुकते, जे अशुभ मानले जाते. त्यामुळे विसरूनही या दिशेला तुळस ठेवू नका.