Rathasaptami 2026 : आता आला विशेष योग, चुकवू नका पूजेचा शुभ मुहूर्त, सगळं ठीक होईल!

पुणे : नवीन वर्षाची सुरुवात मकर संक्रांतीने होते आणि त्यानंतर येणारा महत्त्वाचा सण म्हणजे रथसप्तमी. हिंदू धर्मात रथसप्तमीला विशेष धार्मिक महत्त्व आहे. माघ महिन्यातील शुक्ल पक्षातील सप्तमी तिथीला रथसप्तमी साजरी केली जाते. 19 जानेवारीपासून माघ महिन्याची सुरुवात झाली असून हा महिना सूर्यदेवाच्या पूजेसाठी पवित्र मानला जातो. याच महिन्यात रथसप्तमी येते. माघ शुक्ल सप्तमीच्या दिवशी सूर्यदेवाची पूजा केली जाते. धार्मिक मान्यतेनुसार, सृष्टीच्या आरंभी याच दिवशी सूर्यकिरण पृथ्वीवर पडले. त्यामुळे रथसप्तमीला सूर्याचा प्रकटदिन किंवा सूर्य जयंती असेही म्हटले जाते. या दिवशी सूर्यपूजा केल्यास आरोग्य आणि सकारात्मक ऊर्जा मिळते, अशी भाविकांची श्रद्धा आहे. रथसप्तमी कधी आहे? मुहूर्त आणि महत्त्व याविषयी विशाल कुलकर्णी गुरुजी यांनी लोकल 18 ला माहिती दिली आहे.