Video : सोमवारीच आलीये नागपंचमी; घरी पूजा केली तरी तितकाच फायदा मिळतो का?

देवळात पूजा करताना सर्वात प्रथम देवाला नमस्कार करून आवाहन करावे. त्यानंतर जलाभिषेक आणि दुधाने अभिषेक करावा. त्यानंतर गंध, अक्षदा आणि बेल पत्र शंकराला अर्पण करावे. शंकराची पिंड ही शंकर पार्वतीचे मनोमिलन असल्याचे गुरुजींनी सांगितले. शाळूंकी हे पार्वतीचे स्वरूप आहे. त्यामुळे शाळूंकीवर हळद कुंकू वहावे. नागाची पूजा करावी. नगदेवतेचे स्मरण करावे. गंध लावावे. एखादे केवड्याचे पान किंवा सुगंधी पुष्प नागाला अर्पण करावे असे गुरुजींनी सांगितले.

महादेवाला जलाभिषेक किंवा दुधाच्या अभिषेकाचे महत्त्व आहे. मात्र, मंदिरात आजकाल प्लॅस्टिकच्या पिशवीतून थेट महादेवाच्या पिंडीवर अभिषेक केला जातो. मात्र हा अभिषेक तांब्याच्या किंवा स्टीलच्या पात्राने करणे गरजेचे आहे, अशी माहिती गुरुजींनी दिली.

देवळात अशा पद्धतीने पुजा करणे शक्य नसल्यास घरी पूजा करावी आणि देवळात दर्शन मात्र घ्यावे. यामुळे केलेल्या व्रताचा लाभ अधिक मिळेल. घरात पूजा करताना, तुळशी जवळ पूजा करताना, देवळात पूजा करताना आणि एखाद्या तीर्थक्षेत्री किंवा नदीकिनारी पूजा करताना प्रत्येक वेळी हजार पटीने अधिक लाभ मिळतो, असे गुरुजींनी सांगितले.