5 हजार वर्षांपूर्वीच्या मंदिरात महाशिवरात्रीला भक्तांची अफाट गर्दी, 1 किलोमीटरपासून दर्शनासाठी रांगा, Video

पाच हजार वर्षापूर्वी या मंदिरात असलेली पिंड ही काशीला स्थित असलेल्या कौंडीण्य ऋषीच्या हस्ते स्थापन करण्यात आली होती. विदर्भ राजा हा ब्रह्मावर्ताचा मुळनिवाशी होता. तो शिव भक्त होता त्यामुळे त्याने काशी वरून कौंडीण्य ऋषिला बोलावून त्यांच्या हस्ते ही शिवलिंगाची प्राणप्रतिष्ठा केली होती. त्यामुळे या तीर्थक्षेत्राला कोंडेश्वर असे नाव देण्यात आले. ही पिंड स्थापन केली तेव्हा मंदिराचा गाभारा अतिशय छोटासा होता. राजा रामदेवराय यादव यांच्या काळात त्यांचे पंतप्रधान हेमाजी पंत यांनी या मंदिराचा जीर्णोद्धार केल्याचे पुराणामध्ये नमूद आहे आणि वेदांमध्ये सुद्धा याचा उल्लेख आलेला आहे. त्यांनीच हे मंदिर हेमाडपंथी बांधल्याचा इतिहास आहे. त्याचबरोबर हजारो वर्षांपूर्वी ऋषिमुनीचे वास्तव्य देखील यापरिसरात होते, असे कोषाध्यक्ष सांगतात.

50 वर्षाआधी या मंदिराचा जीर्णोद्धार करण्यात आला होता. तेव्हापासून याठिकाणी महाशिवरात्रीला मोठा उत्साह असतो. यावर्षी महाशिवरात्री उत्सवाला 50 वर्ष पूर्ण झाल्याने अमरावतीपासून आजूबाजूच्या सर्व परिसरातील लोकांची गर्दी येथे बघायला मिळत आहे. कितीतरी दुरून मंदिरात दर्शनासाठी रांगा लागलेल्या आहेत.