युद्धाला निघण्यापूर्वी पेशवे घ्यायचे दर्शन, पुण्याची ग्रामदेवता तांबडी का आहे? Video

पुण्याची ग्रामदेवता असलेली तांबडी जोगेश्वरी ही पुण्यातील सर्वात जुन्या मंदिरांपैकी एक आहे. हल्ली ज्या ठिकाणी कसबा पेठ आहे त्या ठिकाणी पूर्वी पुनवडी नावाचं छोटेसं गाव होतं. त्या गावाच्या हद्दीवर, आंबील ओढ्याचे काठी ग्राम संरक्षक ग्रामदेवता म्हणून या देवीची घुमटी होती. ही देवी स्वयंभू आहे. तसेच ही मूर्ती पाषाणाची, सव्वा हात उंच उभी असून चतुर्भुज आहे. वरील दोन हातात उजव्या हातात डमरु व डाव्या हातात त्रिशूळ आहे. खालच्या दोन हातात मानव जातीस कृपा आशिर्वाद आणि पानपात्र आहे. ही जोगेश्वरी माहेश्वरी, सावित्री आणि चामुंडा अशा देवत्रयात्मक आहे, असे पुजारी सांगतात.