Life Science: शरीराचं सर्वात पॉवरफुल नॅचरल टूल, 5 कोटी वेळा तुमचं आयुष्य वाचवतं; हा चमत्कार तुम्हाला कधीच कोणी सांगितला नाही

Science Of Breathing: आपण घेतलेला प्रत्येक श्वास हा शरीरातील अब्जावधी पेशींना ऊर्जा देणारा शांत चमत्कार आहे. या 50 दशलक्ष श्वासांच्या प्रवासात दडलेले विज्ञान आपल्या आरोग्याला नवीन अर्थ देतं.

इम्पॅक्ट शॉटतुमचा गेटवे लेटेस्ट न्यूज

Follow us on Google News

तुम्ही आत्ता हा लेख वाचत आहात… आणि त्याच वेळी तुमच्या शरीरात शांतपणे एक प्रवास सुरू आहे, श्वासाचा प्रवास. तुम्ही विचार न करता, कोणत्याही आदेशाशिवाय, प्रयत्नाशिवाय घेतलेला हा श्वास तुमच्या संपूर्ण आयुष्याला दिशा देत असतो. एका माणसाचे आयुष्यभराचे श्वास 50 दशलक्षापेक्षा (5 कोटींपेक्षा जास्त) अधिक! म्हणजे पृथ्वीवरच्या अनेक शहरांच्या लोकसंख्येपेक्षा जास्त. पण एवढ्या गुपचूप घडणाऱ्या प्रक्रियेने आपल्याला रोज काय दिले आहे, हे आपण कधी लक्षात घेतले आहे का?

advertisement

आपला श्वास शरीरातील सर्वात सुंदर आणि गुंतागुंतीची प्रक्रिया आहे. तुम्ही जेव्हा एक श्वास घेता तेव्हा तुम्हाला फक्त छाती फुगल्यासारखे वाटते; पण आतमध्ये मायक्रो-स्तरावर काही अद्भुत घडतं. frontiersin.org वर प्रकाशित संशोधनानुसार फुफ्फुसांमध्ये 30 कोटीहून अधिक ऍल्व्हिओलाई (alveoli) नावाच्या सूक्ष्म हवेच्या पिशव्या असतात. या प्रत्येक पिशवीभोवती असतात हजारो रक्तवाहिन्या. श्वास घेतल्यावर या पिशव्यात येणारा ऑक्सिजन क्षणात रक्तात मिसळतो आणि रक्त त्याला तुमच्या शरीरातील अब्जावधी पेशींना पोहोचवतो.

advertisement

श्वास आणि रक्त

श्वास घेतल्यावर ऑक्सिजन रक्तात जातो आणि रक्तातील हीमोग्लोबिन त्याला “वाहून नेण्याचे” काम करते. link.springer.com च्या मॉडेलिंग अभ्यासानुसार, विश्रांतीच्या स्थितीत 70 किलो वजनाच्या व्यक्तीला दर मिनिटाला सुमारे 250 मिली ऑक्सिजन लागतो, तर शरीर 200 मिली कार्बन डायऑक्साइड बाहेर टाकते.

advertisement

श्वास आणि रक्त

हा हिशोब सतत बदलत राहतो:

• धावताना हा ऑक्सिजन गरज 10 पट वाढते
• झोपताना ती कमी होते
• तणावात असताना श्वास “उथळ” होतो आणि वायुप्रवाह कमी होतो
• शरीर नेहमी संतुलन राखण्यासाठी झुंजत असते.
• म्हणूनच एक खोल श्वासही शरीराच्या रसायनशास्त्रात तात्काळ बदल घडवतो.

advertisement

आश्चर्य म्हणजे, त्या पेशींना ऑक्सिजन हवा असतो कारण त्या आपल्या आत छोट्या फॅक्टर्‍या आहेत. त्या ऊर्जा तयार करतात, ऊती दुरुस्त करतात, विचार करायला मदत करतात, हृदय चालवतात, स्नायू हलवतात सगळं काही. म्हणजे तुम्ही घेतलेला एक छोटा श्वास तुमच्या अस्तित्वाचा पाया बनतो.

advertisement

श्वास आणि मेंदू

श्वासाचे मेंदूशी नाते हे आश्चर्यकारक आहे. frontiersin वरील 2021 मधील संशोधन सांगते की श्वासाचा वेग आणि लय मेंदूतील amygdala (भावना), hippocampus (आठवण) आणि prefrontal cortex (तर्कशक्ती) या भागांवर थेट परिणाम करतात.

advertisement

पण हा प्रवास फक्त ऑक्सिजन घेण्याबद्दल नाही. हा प्रवास शांतता घेण्याबद्दल देखील आहे. जेव्हा तुम्ही तणावात असता, तुमचा श्वास स्वाभाविकपणे वेगाने चालू लागतो. मेंदू समजतो की “धोक्यात आहेस” आणि शरीर ‘स्ट्रेस मोड’मध्ये जातं. उलट जेव्हा तुम्ही खोल श्वास घेता, तेव्हा मेंदूला सिग्नल जातो; “सुरक्षित आहेस, काही धोकाच नाही.” त्यामुळे हळू श्वास हा शरीरासाठी नैसर्गिक औषध आहे.

विज्ञान सांगते की एखाद्या व्यक्तीचा श्वासाचा वेग (breathing rate) हा त्याच्या मानसिक आरोग्याशी थेट जोडलेला असतो. कमी, संतुलित श्वास घेतल्यास हृदयाचा ठोका स्थिर राहतो, रक्तदाब नियंत्रणात येतो आणि मेंदू अधिक शांत होतो.

या उलट जास्त वेगाने श्वास घेत राहिल्यास थकवा, चिंता, चक्कर येणे, आणि मेंदू धूसर होणे अशी लक्षणे दिसू शकतात. म्हणूनच श्वास केवळ जगण्यासाठी नाही, तर कसा जगायचं हे ठरवणारा एक मुख्य घटक आहे.

श्वास आणि झोप

संशोधन दर्शवते की झोपण्यापूर्वी 6 सेकंद श्वास घेणे आणि 8 सेकंद श्वास सोडणे हा पॅटर्न मेंदूला “sleep mode” मध्ये नेतो.

श्वासाद्वारे मेंदू शांत होतो →

नर्व्हस सिस्टम रिलॅक्स होते →

झोप गाढ लागते.

तुम्ही श्वास बदलता → झोप बदलते → पुढचा दिवस बदलतो.

'श्वास तुमच्या भावना नियंत्रित करू शकतो' हे ऐकायला जरी साधं वाटत असलं तरी विज्ञानाने सिद्ध केलेलं सत्य आहे. उदाहरणार्थ:

• राग आला की श्वास वेगाने वरच्या छातीपर्यंत येतो

श्वास- झोप आणि भावना

दुःखात श्वास लांबतो, मंदावतो

घाबरल्यास श्वास पातळ व उथळ होतो

आनंदात श्वास मुक्त व मोकळा असतो

म्हणजे तुमचा श्वास तुमच्या भावनांचे आरसे आहेत. तुम्ही त्याला बदललात तर भावना बदलतात, ही निसर्गाची अप्रतिम रचना आहे.

हृदय आणि श्वास

हृदयाचा ठोका आणि श्वास या दोघांचे एक सुंदर “नृत्य” असते. याला Respiratory Sinus Arrhythmia (RSA) म्हणतात. जेव्हा तुम्ही श्वास घेता, तेव्हा हृदयाचे ठोके थोडे वाढतात. श्वास सोडताना ठोके मंदावतात.

RSA का महत्त्वाचे?

RSA जितके चांगले, तितके व्यक्तीचे भावनिक स्थैर्य जास्त. म्हणूनच मानसशास्त्र आणि न्यूरोसायन्स या दोन्हीत श्वासाला “Mind–Body Bridge” मानले जाते.

आपल्या आयुष्यात आपण श्वासाकडे फारसे लक्ष देत नाही. पण जर आपण दररोज 2-3 मिनिटे तरी ‘जाणीवपूर्वक श्वास’ घेतला, तर शरीरातील पेशींना मिळणारा ऑक्सिजन वाढतो, मन स्वच्छ होते, झोप सुधारते आणि मेंदू अधिक कार्यशक्तीने काम करतो.

frontiersin आणि link.springer सारख्या विश्वासार्ह वैज्ञानिक स्रोतांनी सिद्ध केले आहे की श्वास हा शरीराचा मोस्ट पॉवरफुल नेचरल टूल आहे. आयुष्यातले 50-70 दशलक्ष श्वास केवळ “जगण्यासाठी” नाहीत तर ते चांगले, स्थिर आणि शांत जीवन घडवण्यासाठी आहेत.

काही वैज्ञानिक तर म्हणतात की, नियंत्रित श्वास हा शरीरातील प्रतिबंधक शक्ती (immune system) वाढवण्यासाठीही मोठी मदत करतो. कारण शरीर रिलॅक्स असल्यावर पेशी अधिक कार्यक्षमतेने काम करतात.

विचार करा, एक मनुष्य ज्या गोष्टीसाठी आयुष्यात एवढा महाकाय आकडा (50,000,000+ श्वास) वापरतो… ती गोष्ट जाणीवपूर्वक करणं हे जगण्याचं सर्वात सोपं आणि सामर्थ्यशाली साधन असू शकते का?

उत्तर आहे, होय!

तुमच्या आयुष्यातले पुढचे लाखो श्वास कसे असतील हे तुम्हीच ठरवू शकता. ते उथळ, धावत्या आयुष्यात हरवलेले असतील की शांतता, आरोग्य आणि उर्जेने भरलेले तो निर्णय प्रत्येक श्वासात आहे.

view comments

Location :

Mumbai,Maharashtra

First Published :

November 24, 2025 10:56 PM IST

मराठी बातम्या/science/

Life Science: शरीराचं सर्वात पॉवरफुल नॅचरल टूल, 5 कोटी वेळा तुमचं आयुष्य वाचवतं; हा चमत्कार तुम्हाला कधीच कोणी सांगितला नाही