'आम्हाला खेळायचं नाही...', आशिया कपमधून पाकिस्तान पळालं, UAE विरुद्ध खेळायला नकार

दुबई : आशिया कपमध्ये पाकिस्तानने युएईविरुद्ध खेळायला नकार दिला आहे, यामुळे पाकिस्तानचं आशिया कपमधील आव्हान संपुष्टात आलं आहे. याचसोबत ग्रुप ए मधून भारत आणि युएई यांनी सुपर-4 मध्ये प्रवेश केला आहे. पाकिस्तानने माघार घेतल्यामुळे युएईला या सामन्याचे 2 पॉईंट्स देण्यात येणार आहेत. युएईविरुद्धच्या सामन्यावर पाकिस्तानने बहिष्कार टाकल्याचं वृत्त पाकिस्तानमधील जिओ न्यूजने दिलं आहे. पाकिस्तान क्रिकेट बोर्डाने टीमला पुढील आदेश येईपर्यंत हॉटेलमध्येच राहण्याचे आदेश दिले आहेत. तसंच खेळाडूंचं सामान आणि किट बॅगही बसमध्येच ठेवण्यात आलं आहे. पाकिस्तान क्रिकेट बोर्डाकडून थोड्याच वेळात पत्रकार परिषदही होण्याची शक्यता आहे.