Trending:

Virat Kohli : किंग कोहलीचं 'मौनव्रत' अन् BCCI ची कोंडी, अजित आगरकरांनी थेट लंडनला फोन फिरवला पण... INSIDE STORY

Published by:Saurabh Talekar

Last Updated:September 25, 2025 8:29 AM IST

BCCI Pessimism On Virat kohli : मुख्य निवडकर्ता अजित आगरकर यांनी नुकतीच विराट कोहलीशी त्याच्या वनडे क्रिकेटमधील भविष्याबद्दल चर्चा केली. मात्र, विराट कोहलीने...

इम्पॅक्ट शॉटतुमचा गेटवे लेटेस्ट न्यूज

Ajit Agarkar Calls Virat Kohli : टीम इंडियाचा स्टार फलंदाज विराट कोहलीने गेल्या वर्षी टी-20 वर्ल्ड कप जिंकल्यानंतर टी-20 आंतरराष्ट्रीय क्रिकेटमधून निवृत्ती घेतली होती. या वर्षी आयपीएलमध्येच त्याने सोशल मीडियावर पोस्ट करून टेस्ट क्रिकेटलाही रामराम ठोकला. आयपीएलनंतर भारताने कोणताही वनडे मॅच खेळलेला नाही, त्यामुळेच विराट सध्या क्रिकेटपासून दूर आहे. तो सध्या लंडनमध्ये आपल्या कुटुंबासोबत वेळ घालवत आहे. मात्र, लंडनला गेल्यापासून विराटला क्रिकेटला विसरला की काय? असा सवाल विचारला जात आहे. त्याला कारण समोर आली धक्कादायक बातमी...

बीसीसीआयसमोर मोठा पेच

भारतीय संघाला पुढील महिन्यात ऑस्ट्रेलिया दौऱ्यावर तीन वनडे मॅच खेळायचे आहेत. त्याआधी ऑस्ट्रेलिया 'ए' संघ भारत 'ए' संघाविरुद्ध कानपूरमध्ये तीन अनाधिकृत वनडे मॅच खेळणार आहे. त्याआधी मुख्य निवडकर्ता अजित आगरकर यांनी नुकतीच विराट कोहलीशी त्याच्या वनडे क्रिकेटमधील भविष्याबद्दल चर्चा केली. मात्र, विराट कोहलीने बीसीसीआयला स्पष्ट काहीही सांगितलं नसल्याने मोठा पेच निर्माण झाला आहे.

कोहलीच्या बाजूने योग्य प्रतिसाद नाही

'रेवस्पोर्ट्स'च्या रिपोर्टमध्ये हा दावा करण्यात आला आहे. मात्र, रिपोर्टनुसार कोहलीच्या बाजूने योग्य प्रतिसाद न मिळाल्याने निराशा आहे. टीम मॅनेजमेंटला असं वाटत होतं की, ऑस्ट्रेलियाविरुद्धच्या वनडे सीरीजआधी कर्णधार रोहित शर्मा आणि विराट कोहलीने भारत 'ए' संघासोबत काही मॅच खेळाव्यात. मात्र, दोन्ही स्टार मैदानात उतरणार का? असा सवाल विचारला जातोय.

विराट भारत 'ए' संघासाठी खेळणार?

दरम्यान, रोहित शर्माने ऑस्ट्रेलियाविरुद्धच्या वनडे सीरीजसाठी तयारी सुरू केली आहे. बीसीसीआयने बेंगळुरू येथील बोर्डच्या 'सेंटर ऑफ एक्सलन्स'मध्ये रोहितचा केएल राहुलसोबत सराव करतानाचा व्हिडीओ शेअर केला होता. मात्र, तोही भारत 'ए' संघाचा भाग नाही. दुसरीकडे, विराट कोहली अजूनही लंडनमध्ये आहे. विराटने काही दिवसांपूर्वी सराव केला होता आणि त्याचे काही फोटो आणि व्हिडीओ सोशल मीडियावर आले होते. अशातच आता किंग कोहली कोणता निर्णय घेणार? असा सवाल विचारला जात आहे.

Location :

Mumbai,Maharashtra

First Published :

September 25, 2025 8:27 AM IST

Virat Kohli : किंग कोहलीचं 'मौनव्रत' अन् BCCI ची कोंडी, अजित आगरकरांनी थेट लंडनला फोन फिरवला पण... INSIDE STORY