BCCI Central Contract : विराट-रोहितचं डिमोशन, बीसीसीआयकडून सेंट्र्ल कॉन्ट्रॅक्ट जाहीर, ग्रेड A मध्ये फक्त 3 खेळाडू

भारतीय क्रिकेट नियामक मंडळाने (BCCI) आयसीसी टी२० विश्वचषक २०२६ साठी त्यांचे केंद्रीय करार जाहीर केले आहेत. बोर्डाने या करारातील A+ ग्रेड रद्द केला आहे. रोहित शर्मा आणि विराट कोहली यांना प्रत्येकी 4 कोटी रुपये कमी मिळाले आहेत. या करारापूर्वी विराट आणि रोहित दोघेही A+ ग्रेडमध्ये होते. आता त्यांना B ग्रेडमध्ये खाली खेचण्यात आले आहे. कारण रोहित शर्मा आणि विराट कोहली या दोघांनी टी20 आणि टेस्ट क्रिकेटमधून निवृत्ती घेतली होती. आणि सध्या ते वनडे या एकाच फॉरमॅटसाठी भारताचे प्रतिनिधित्व करतात. त्यामुळे त्यांच डिमोशन होईल अशी चर्चा अनेक महिन्यांपासून सूरू होती. आणि अखेर ती चर्चा खरी ठरली आहे.

इशान किशन आणि मोहम्मद शमी हे बऱ्याच काळापासून टीम इंडियाच्या संघाबाहेर होते. तथापि, देशांतर्गत क्रिकेटमधील त्याच्या दमदार कामगिरीमुळे, इशान किशनला थेट 2026 टी20 वर्ल्ड कप संघात स्थान देण्यात आले. आश्चर्याची गोष्ट म्हणजे, संघात परतल्यापासून किशनला केंद्रीय करारात समाविष्ट करण्यात आलेले नाही. शमीलाही या यादीतून वगळण्यात आले आहे.

ग्रुप ए मध्ये टीम इंडियाचा कॅप्टन शुभमन गिल, जसप्रीत बुमराह आणि रविंद्र जडेजा या तिघांचीच नावे आहेत. खरं रोहित शर्मा आणि विराट कोहली गेल्या वर्षी ग्रेड A+ मध्ये होते.पण यंदाच्या वर्षी ग्रेड A+ काढून टाकण्यात आला होता.