IND vs SA ODI : गंभीरच्या हातात रोहित अन् विराटचं करिअर? साऊथ अफ्रिका सिरीजनंतर BCCI घेणार फायनल निर्णय!

Last Updated:

BCCI On Rohit Sharma Virat Kohli future : दक्षिण आफ्रिका मालिकेनंतर विराट कोहली आणि रोहित शर्मा यांच्या एकदिवसीय भविष्यासाठी बीसीसीआय महत्त्वपूर्ण बैठक घेणार आहे. या बैठकीत बीसीसीआयचे अधिकारी, गौतम गंभीर आणि अजित आगरकर उपस्थित राहतील.

Rohit Sharma and Virat Kohli’s ODI future
Rohit Sharma and Virat Kohli’s ODI future
Rohit Sharma Virat Kohli ODI Future : भारतीय क्रिकेटमधील दोन मोठे आणि अनुभवी खेळाडू असलेल्या रोहित शर्मा आणि विराट कोहली यांच्या वनडे क्रिकेटमधील भविष्याबाबत लवकरच महत्त्वपूर्ण निर्णय घेतला जाण्याची शक्यता आहे. 2027 च्या आगामी वनडे वर्ल्ड कपच्या तयारीच्या दृष्टीने भारतीय क्रिकेट नियामक मंडळाने यावर लक्ष केंद्रित केले आहे. सध्या दक्षिण आफ्रिकेविरुद्ध सुरू असलेल्या तीन सामन्यांच्या वनडे मालिकेच्या समाप्तीनंतर एक महत्त्वाची बैठक आयोजित केली जाणार आहे.

रोहित अन् विराटचं काय होणार? 

टाइम्स ऑफ इंडियाच्या सूत्रांनी दिलेल्या माहितीनुसार, दक्षिण आफ्रिकेविरुद्धची मालिका संपल्यावर लगेचच, निवड समिती आणि संघ व्यवस्थापन यांच्यात एक बैठक होणार आहे. विशाखापट्टणम येथील तिसऱ्या वनडे सामन्यानंतर बीसीसीआयचे उच्च अधिकारी, मुख्य प्रशिक्षक गौतम गंभीर आणि मुख्य निवडकर्ता अजित आगरकर हे अहमदाबादमध्ये एकत्र येण्याची शक्यता आहे. रोहित आणि कोहली यांना त्यांच्या पुढील भूमिकेबद्दल स्पष्टता देणे अत्यंत आवश्यक आहे, जेणेकरून ते कोणत्याही अनिश्चिततेशिवाय खेळू शकतील, असे बीसीसीआयच्या एका सूत्राने सांगितले आहे. टाइम्स ऑफ इंडियाने याबाबत वृत्त दिलंय.
advertisement

गंभीरच्या हातात रो-कोचा निर्णय

मुख्य प्रशिक्षक गौतम गंभीर आणि मुख्य निवडकर्ता अजित आगरकर हे दोघंही मिटिंगला असल्याने अनेक प्रश्नचिन्ह उपस्थित केले जात आहे. रोहित अन् विराटला कसोटी क्रिकेटमधून बाहेर काढल्यानंतर आता वनडे क्रिकेटमधून देखील डच्चू देणार की काय? असा सवाल चाहते विचारत आहेत. त्यामुळे गंभीर आणि आगरकर यांच्यावर टीका होताना दिसत आहे.
advertisement

फिटनेस आणि कामगिरीवर लक्ष

सध्या हे दोन्ही खेळाडू फक्त एकाच फॉरमॅटमध्ये खेळत असल्यामुळे, त्यांना दीर्घ विश्रांतीनंतर फॉर्ममध्ये परतण्यासाठी संघर्ष करावा लागतो, ही चिंता संघ व्यवस्थापनाला सतावत आहे. यामुळे, त्यांना आंतरराष्ट्रीय क्रिकेटव्यतिरिक्त विजय हजारे करंडक यांसारख्या देशांतर्गत स्पर्धांमध्ये खेळण्याचा सल्ला दिला जाणार आहे. तसेच, बीसीसीआयने रोहितला त्याच्या भविष्याबद्दलच्या चर्चांकडे दुर्लक्ष करून केवळ आपल्या फिटनेस आणि कामगिरीवर लक्ष केंद्रित करण्यास सांगितले आहे. रोहितने चॅम्पियन्स करंडकापर्यंत ज्या आक्रमक शैलीत फलंदाजी केली होती, तीच कायम ठेवावी अशी अपेक्षा संघ व्यवस्थापनाला आहे.
view comments
मराठी बातम्या/स्पोर्ट्स/
IND vs SA ODI : गंभीरच्या हातात रोहित अन् विराटचं करिअर? साऊथ अफ्रिका सिरीजनंतर BCCI घेणार फायनल निर्णय!
Next Article
advertisement
Nagar Parishad Election : ह्याला म्हणतात कमबॅक! पराभवानंतर राजकारणातून संपला म्हणाले, पण पठ्ठ्याने ९ वर्षानं मैदान मारलं
ह्याला म्हणतात कमबॅक! पराभवानंतर राजकारणातून संपला म्हणाले, पण पठ्ठ्याने ९ वर्षा
  • ह्याला म्हणतात कमबॅक! पराभवानंतर राजकारणातून संपला म्हणाले, पण पठ्ठ्याने ९ वर्षा

  • ह्याला म्हणतात कमबॅक! पराभवानंतर राजकारणातून संपला म्हणाले, पण पठ्ठ्याने ९ वर्षा

  • ह्याला म्हणतात कमबॅक! पराभवानंतर राजकारणातून संपला म्हणाले, पण पठ्ठ्याने ९ वर्षा

View All
advertisement