CSK IPL 2026 Schedule : चेन्नईचा संजू वैभव सूर्यवंशीशी भिडणार, ऋतुराज गायकवाडच्या टीमच्या मॅचच संपूर्ण वेळापत्रक

खरं तर पाच वेळचा आयपीएल चॅम्पियन चेन्नई सुपर किंग्ज संघ हा 30 मार्च पासून आपल्या आयपीएल मोहिमेला सूरूवात करणार आहे. चेन्नई सुपर किंग्ज पहिला सामना हा 30 मार्च 2026 ला गुवाहाटीच्या मैदानावर राजस्थान रॉयल्स विरुद्ध असणार आहे.या सामन्यातून संजू सॅमसन आपल्या जुन्या सहकाऱ्यांविरूद्ध मैदानात उतरणार आहेत. तसेच तो आयपीएलमध्ये राजस्थान संघात त्याची सलामीची जागा घेणाऱ्या 14 वर्षीय वैभव सूर्यवंशीशी देखील भिडताना दिसणार आहे.

चेन्नई सुपर किंग्जचा 2025 चा हंगाम खूपच निराशाजनक राहिला होता. कारण संपूर्ण स्पर्धेत केवळ चार विजय मिळवून फ्रँचायझीच्या इतिहासात प्रथमच गुणतालिकेत तळाशी राहिला होता. त्यानंतर 2026 च्या लिलाव प्रक्रियेत मोठे फेरबदल झाल्यानंतर पाच वेळा विजेते संघ आगामी हंगामात पुनरागमनाची आशा बाळगतील.

दरम्यान सीएसकेने त्यांचे स्टार अष्टपैलू रवींद्र जडेजा आणि सॅम करन यांच्या बदल्यात राजस्थान रॉयल्सकडून संजू सॅमसनला घेतल आहे. गेल्या डिसेंबरमध्ये आयपीएल 2026 च्या मिनी-लिलावात सीएसकेने दोन अनकॅप्ड स्टार - कार्तिक शर्मा आणि प्रशांत वीर - यांना खरेदी करून इतिहास रचला. या दोन्ही तरुण खेळाडूंना प्रत्येकी 14.5कोटी रुपयांना खरेदी करण्यात आले, जे आयपीएल लिलावाच्या इतिहासातील अनकॅप्ड खेळाडूंसाठी सर्वाधिक बोली होती.