Trending:

रोहितचं वर्ल्ड कप खेळणं झालं अवघड! गंभीरने आणली Bronco Test, YO -YO टेस्टला 'टाटा गुड बाय'?

Published by:Saurabh Talekar

Last Updated:August 22, 2025 10:01 AM IST

What Is Bronco Test : बीसीसीआयच्या वार्षिक करारात असलेल्या अनेक खेळाडूंना ही टेस्ट देणं सक्तीचं आहे. या टेस्टचा मुख्य उद्देश वेगवान गोलंदाजांवर जिममध्ये जास्त मेहनत घेण्याऐवजी त्यांच्या धावण्यावर लक्ष केंद्रित करणे हा आहे.

Gautam Gambhir introduced the Bronco Test as new benchmark for fitness standards

What Is Bronco Test : भारताचे हेड कोच गौतम गंभीर (Gautam Gambhir) भारतीय क्रिकेट संघात (Team India) एक नवीन फिटनेस टेस्ट आणण्याच्या तयारीत आहेत. माजी कोच रवी शास्त्री यांच्या कार्यकाळात यो-यो टेस्ट (YO -YO Tes ) अनिवार्य करण्यात आली होती, जी खेळाडूंच्या फिटनेससाठी खूप उपयुक्त ठरली. आता गंभीर यांनी संघाचे नवीन फिटनेस आणि कंडीशनिंग कोच एड्रियन ले रूक्स (Adrian Le Rouxe) यांच्या सल्ल्यानुसार ब्रोंको टेस्ट (Bronco Test) सुरू करण्याचा निर्णय घेतला आहे.

Bronco Test आहे तरी काय?

ब्रोंको टेस्टमध्ये खेळाडूंना २० मीटर, ४० मीटर आणि ६० मीटरचे अंतर धावून पार करावे लागते. हा एक पूर्ण सेट मानला जातो. खेळाडूंना कोणताही ब्रेक न घेता ६ मिनिटांत सुमारे १२०० मीटरचे अंतर धावत पाच सेट पूर्ण करायचे आहेत. या नवीन टेस्टमुळे खेळाडूंचा फिटनेस आणि कंडीशनिंगचा स्तर अधिक चांगला होईल, अशी अपेक्षा आहे. निवड समितीसाठी ही टेस्ट खेळाडूंच्या निवडीचा एक महत्त्वाचा निकष असेल.

गोलंदाजांसाठी महत्त्वाची ठरणार ब्रोंको टेस्ट?

इंडियन एक्सप्रेसच्या रिपोर्टनुसार, बीसीसीआयच्या वार्षिक करारात असलेल्या अनेक खेळाडूंनी या टेस्टसाठी बंगळूरूमधील राष्ट्रीय क्रिकेट अकादमीला भेट दिली आहे. या टेस्टचा मुख्य उद्देश वेगवान गोलंदाजांवर जिममध्ये जास्त मेहनत घेण्याऐवजी त्यांच्या धावण्यावर लक्ष केंद्रित करणे हा आहे. यावर सोशल मीडियावर अनेकांनी आपल्या प्रतिक्रिया दिल्या आहेत. रोहित शर्मा वनडे वर्ल्ड कप खेळणार की नाही? असा सवाल काही नेटकऱ्यांनी उपस्थित केलाय.

४० मीटरनंतर १० सेकंदाचा ब्रेक

भारतीय टीममध्ये सध्या यो-यो टेस्ट आणि २-किमी टाइम ट्रायल घेतली जाते. यो-यो टेस्टमध्ये खेळाडूंना २० मीटरच्या अंतरावर धावणे असते आणि प्रत्येक ४० मीटरनंतर १० सेकंदाचा ब्रेक मिळतो. यात पास होण्यासाठी १७.१ हा किमान स्कोर निर्धारित करण्यात आला आहे. २-किमी टाइम ट्रायलमध्ये वेगवान गोलंदाजांना ८ मिनिटे १५ सेकंद आणि फलंदाज व विकेटकीपरना ८ मिनिटे ३० सेकंदाचा वेळ दिला जातो.

ब्रोंको टेस्ट अधिक वेगवान

दरम्यान, या दोन्ही टेस्ट्सच्या तुलनेत ब्रोंको टेस्ट अधिक वेगवान आहे आणि कमी वेळेत खेळाडूंच्या तंदुरुस्तीची चांगली परीक्षा घेते. एड्रियन ले रूक्स दुसऱ्यांदा भारतीय संघासोबत जोडले गेले आहेत. यापूर्वी २००२ ते २००३ या काळात ते संघासोबत होते.