Hero Xoom 160: नुसता जाळ अन् धूर संगटच! हिरोनं आणली पॉवरफुल Scooter, लूक पाहून पडाल प्रेमात!

हिरो मोटर्सने नेहमी वेगवेगळे प्रयोग करत असतो. अशातच स्कुटर सेगमेंटमध्ये हिरोने एक दमदार आणि पॉवरफुल स्कुटर लाँच केली आहे. Hero Xoom 160 असं या पॉवर स्कुटरचं नाव आहे. ही स्कुटर नेहमीच्या स्कुटरपेक्षा वेगळी आहे. या स्कुटरमध्ये एक पॉवरफुल इंजिन दिलं आहे. लाँच झाल्यानंतर Hero Xoom 160 ची डिलिव्हरी रखडली होती. आता कंपनीने याच महिन्यांपासून डिलिव्हरी सुरू केली आहे. तसंच नव्याने बुकिंगही सुरू केली आहे.

जानेवारी २०२५ मध्ये दिल्लीत झालेल्या इंडिया मोबिलिटी एक्स्पोमध्ये Hero Xoom 160 ची झलक पाहण्यास मिळाली होती. त्याचवेळी हिरोनं Hero Xoom 160 चं बुकिंगही सुरू केलं होतं. हटके आणि स्पोर्टी लूक असल्यामुळे  बुकिंग देखील सुरू झाली होती.

पण, डिलिव्हरी देण्यात कंपनीकडून  विलंब झाला होता. त्यामुळे Hero Xoom 160 ची डिलिव्हरी आधी ऑगस्ट २०२५ पासून सुरू होती. पण काही अडचणीमुळे त्यावेळी होऊ शकलं नाही. आता सप्टेंबर महिन्यापासून डिलिव्हरी सुरू करतोय, असं कंपनीने स्पष्ट केलं आहे.

डीलर्सना स्कूटरचा स्टॉक मिळाला नाही आणि बुकिंग देखील थांबवण्यात आली होती. पण आता  नवीन झूम १६० बद्दल आपल्या कर्मचाऱ्यांना प्रशिक्षण पूर्ण केलं आहे आणि डिलिव्हरी सुरू करतोय, असं कंपनीने सांगितलं.

नवीन Hero Zoom 160 सोबत Hero ने XPulse 210, Xtreme 250R आणि Zoom 125 देखील लाँच केली. या तीन मॉडेल्सची डिलिव्हरी सुरू झाली आहे आणि आता Zoom 160 ची बारी आहे. ही सर्व मॉडेल्स Hero च्या Premia डीलरशिपद्वारे विकल्या जातील, ज्या लवकरच संपूर्ण भारतात अधिक स्टोअरमध्ये दिसतील.

Hero Xoom 160 वेगळं काय? Hero Zoom 160 मध्ये 156cc, लिक्विड-कूल्ड सिंगल-सिलेंडर इंजिन आहे जे 14.6bhp आणि 14Nm टॉर्क निर्माण करते आणि CVT गिअरबॉक्सशी जोडलेले आहे.

Hero Zoom 160 थेट Yamaha Aerox 155 शी स्पर्धा करते, जे लिक्विड-कूल्ड इंजिनने तयार केलं आहे. स्कूटर 14-इंचाचे व्हिल दिले आहे आणि Zoom 160 चे मुख्य आकर्षण म्हणजे हटके डिझाइन आणि इंजिन. या स्कुटरची किंमत  १.४८ लाख रुपये जाहीर करण्यात आली आहे.