Pune News : प्रवाशांनो लक्ष द्या! पुणे-नागपूर गाड्या तब्बल 22 दिवस रद्द; पाहा लिस्ट

पुणे : पुणे ते नागपूर दरम्यान प्रवास करणाऱ्या प्रवाशांसाठी एक महत्त्वाची बातमी समोर आली आहे. मध्य रेल्वेच्या पुणे विभागात दौंड ते मनमाड या रेल्वे मार्गावर सध्या दुहेरीकरणाचे काम सुरू आहे. या कामामुळे अनेक महत्त्वाच्या रेल्वेगाड्या तात्पुरत्या स्वरूपात रद्द करण्यात आल्या आहेत. परिणामी पुणेहून नागपूरकडे आणि नागपुरातून पुण्याकडे जाणाऱ्या प्रवाशांना मोठ्या अडचणींचा सामना करावा लागणार आहे.