'इतका पैसा कुठून आला?' नातवाला टेस्ला कार गिफ्ट करणाऱ्या प्रताप सरनाईकांवर आस्ताद काळेचा हल्लाबोल!

काही दिवसांपूर्वी मंत्री प्रताप सरनाईकांनी त्यांच्या नातवासाठी टेस्ला ही महागडी इलेक्ट्रिक कार विकत घेतली होती, ज्यामुळे खूप चर्चा झाली. याच कारवरून आस्ताद काळेने त्यांना काही बोचरे प्रश्न विचारले आहेत. आस्तादने सोशल मीडियावर एक पोस्ट शेअर करत म्हटलं की, “त्या नातवासाठी घेतलेल्या नवीन TESLA रुपी खेळण्याची किंमत किती आहे हो काका? आणि प्रामाणिकपणे काम करणाऱ्या, कर भरणाऱ्या, तरीही खड्ड्यांमधून आमच्या कष्टाच्या पैशांतून घेतलेली वाहनं चालवावी लागणाऱ्या आमच्यासारख्या नागरिकांच्या जीवाची किंमत किती आहे हो काका?”