IND vs SA : पहिल्या इनिंगमध्ये डक, दुसऱ्यातही झिरो... डेब्यूची वाट पाहणारा टीम इंडियाचा स्टार पुन्हा फेल!

बंगळुरू : मागच्या चार ते पाच वर्षांपासून टीम इंडियामध्ये पदार्पण करण्याची वाट पाहणारा खेळाडू दक्षिण आफ्रिका ए विरुद्धच्या अनऑफिशियल टेस्टमध्ये अपयशी ठरला आहे. मॅचच्या दोन्ही इनिंगमध्ये तो शून्यवर आऊट झाला आहे. अभिमन्यू इश्वरन 2013 पासून देशांतर्गत क्रिकेट खेळत आहे. बंगालकडून खेळताना प्रभावी कामगिरी केल्यानंतर त्याची टीम इंडियासाठी निवड झाली. बरीच वर्ष टीम इंडियासोबत असूनही त्याला पदार्पणाची संधी मिळाली नाही. अभिमन्यू इश्वरन इंग्लंड दौऱ्यात टीम इंडियासोबत होता, पण वेस्ट इंडिडविरुद्धच्या सीरिजसाठी त्याची निवड झाली नाही. दक्षिण आफ्रिकेविरुद्धच्या टेस्ट सीरिजमधूनही अभिमन्यूला टीममधून वगळण्यात आलं, पण दक्षिण आफ्रिका ए विरुद्धच्या सामन्यात त्याला संधी दिली गेली.