India Asia Cup 2025 Squad : आशिया कपसाठी टीम इंडियाची घोषणा, सूर्याच्या नेतृत्वात शुभमन गिलला प्रमोशन, पाहा 15 खेळाडूंची यादी
- Published by:Saurabh Talekar
Last Updated:
India Asia Cup 2025 Squad Announcement : आगामी आशिया कप स्पर्धेसाठी टीम इंडियाची घोषणा करण्यात आली आहे. सूर्यकुमार यादवच्या नेतृत्वाखाली टीम इंडिया खेळेल. पाहा कसा आहे टीम इंडियाचा संघ.
India Squad Asia Cup 2025 : आगामी आशिया कप स्पर्धेची उत्सुकता शिगेला पोहोचली असताना आता बीसीसीआयने भारतीय संघाची (Indian Cricket Team) घोषणा केली आहे. मुंबईत झालेल्या सिलेक्शन कमिटीच्या बैठकीनंतर चीफ सिलेक्टर अजित आगरकर आणि कॅप्टन सुर्यकुमार यादव यांनी पत्रकार परिषद (Ajit Agarkar Press Conference) घेत संघ जाहीर केला. आशिया कपसाठी भारतीय संघात 15 खेळाडूंना स्थान दिलं गेलं असून सूर्यकुमार यादव (Suryakumar Yadav) टीम इंडियाचं नेतृत्व करेल. कसा आहे भारताचा संघ? पाहा
आशिया कपसाठी टीम इंडिया
सूर्यकुमार यादव (Captain), शुभमन गिल (VC), अभिषेक शर्मा, तिलक वर्मा, हार्दिक पांड्या, शिवम दुबे, अक्षर पटेल, जितेश शर्मा, जसप्रीत बुमराह, वरूण चक्रवर्ती, अर्शदीप सिंग, कुलदीप यादव, संजू सॅमसन, हर्षित राणा, रिंकू सिंग.
प्रसिद्ध कृष्णा, वॉशिंग्टन सुंदर, रियान पराग, ध्रुव जुरेल आणि यशस्वी जयस्वाल यांना स्टँडबाय खेळाडू म्हणून तयार राहण्यास सांगितलं आहे.
advertisement
A look at #TeamIndia's squad for #AsiaCup 2025 pic.twitter.com/3VppXYQ5SO
— BCCI (@BCCI) August 19, 2025
टीम इंडिया सुर्यकुमार यादवच्या नेतृत्वाखाली खेळेल. तर शुभमन गिलवर व्हाईस कॅप्टन्सीची जबाबदारी देण्यात आली आहे. त्यामुळे शुभमन गिल प्लेइंग इलेव्हनमध्ये असेल. त्यामुळे संजू सॅमसनची प्लेइंग इलेव्हनमधून हकालपट्टी निश्चित दिसतीये. तर ऑलराऊंडर म्हणून शिवम दुबेला संधी मिळेल की नाही? यावर शंका आहे. त्याचबरोबर अर्शदीप सिंगसोबत जसप्रीत बुमराह आशिया कप खेळणार आहे. वरूण चक्रवर्ती आणि कुलदीप यादव या दोन फिरकीपटूंची जादू पहायला मिळू शकते.
advertisement
दरम्यान, आशिया कपचा 17 वा हंगाम येत्या 9 सप्टेंबरपासून (Asia cup 2025 Schedule) सुरू होईल. भारतीय संघ 10 सप्टेंबर रोजी यूएईविरुद्ध स्पर्धेत आपला पहिला सामना खेळेल. त्यानंतर पाकिस्तानविरुद्धचा 14 सप्टेंबर रोजी दुबईमध्ये सामना खेळवला जाणार आहे. भारताचा शेवटचा गट फेरीचा सामना 19 सप्टेंबर रोजी अबूधाबीमध्ये ओमानविरुद्ध होईल. त्यानंतर फायनल सामना 28 सप्टेंबर रोजी खेळवला जाईल.
Location :
Mumbai,Maharashtra
First Published :
August 19, 2025 2:54 PM IST
मराठी बातम्या/स्पोर्ट्स/
India Asia Cup 2025 Squad : आशिया कपसाठी टीम इंडियाची घोषणा, सूर्याच्या नेतृत्वात शुभमन गिलला प्रमोशन, पाहा 15 खेळाडूंची यादी
