Mohsin Naqvi : आधी ट्रॉफी पळवली, आता तोंड लपवण्याची आली वेळ, आयसीसी बैठकीतून मोहसिन नक्वीने काढला पळ!

चार दिवसांची ही बैठक मंगळवारपासून सुरू झाली. हे लक्षात घ्यावे की नक्वी हे आशियाई क्रिकेट परिषदेचे अध्यक्ष आहेत. त्यामुळे त्यांना कोणत्याही परिस्थितीत बीसीसीआयला सामोरे जायचे नाही. आशिया कप दरम्यान नक्वीच्या कृतींमुळे बीसीसीआयचे अधिकारी आधीच नाराज आहेत. बीसीसीआयने वारंवार ट्रॉफी परत करण्याची विनंती करूनही, नक्वी यांनी ती भारताला परत केलेली नाही. आशिया कपच्या अंतिम सामन्यात भारताने पाकिस्तानचा पराभव केला. आणि त्यावेळेस भारत पाकिस्तान यांच्यातील संबंध आधीच बिघडलेले असताना टीम इंडियाने ट्रॉफी नक्वी यांच्याकडून स्वीकारण्यास नकार दिला.

बीसीसीआयने एसीसीला पत्र लिहून ट्रॉफी मुंबईला पाठवण्यास सांगितले आहे. पण नक्वी सहमत नाहीत. नक्वी म्हणतात की ते १० नोव्हेंबर रोजी दुबई येथे होणाऱ्या समारंभात बीसीसीआयच्या प्रतिनिधीला आणि भारतीय संघाच्या खेळाडूला वैयक्तिकरित्या ट्रॉफी सोपवतील.