Rohit Pawar : पत्नी, सासरे अन् भाची... MCA मध्ये नातेवाईकांची मेगाभरती, केदार जाधवमुळे रोहित पवार अडचणीत! पुण्यात काय शिजतंय?

Rohit Pawar vs Kedar Jadhav : रोहित पवार यांच्या नेतृत्वाखालील महाराष्ट्र क्रिकेट असोसिएशन (MCA) निवडणुकीत माजी भारतीय क्रिकेटपटू आणि भाजप पदाधिकारी केदार जाधवने गंभीर आरोप केले आहेत. 25 डिसेंबर रोजी जाहीर झालेल्या नव्या मतदार यादीत अचानक 401 नवीन आजीव सभासदांचा समावेश करण्यात आला, ज्यामुळे जनरल बॉडीची सदस्यसंख्या 150 वरून थेट 600 च्या पार गेली आहे. या नवीन सदस्यांमध्ये 25 जण मागील कौन्सिल सदस्यांचे जवळचे नातेवाईक असून, 18 जण रोहित पवार यांचे नातेवाईक आहेत, तर 56 सदस्य त्यांच्या व्यवसायाशी किंवा वैयक्तिक कामाशी संबंधित असल्याचा दावा जाधव यांनी केला आहे. या यादीत राष्ट्रवादी काँग्रेसच्या (SP) 37 नेत्यांचाही समावेश असल्याचे सांगण्यात येत आहे.