IND vs NZ : वैभव-आयुषने 13.3 ओव्हरमध्येच संपवली वनडे मॅच, वर्ल्ड कपमध्ये टीम इंडियाचा किवींना तडाखा!

मुंबई : अंडर 19 वर्ल्ड कपमध्ये टीम इंडियाने न्यूझीलंडचा धुव्वा उडवला आहे. वैभव सूर्यवंशी आणि आयुष म्हात्रे यांनी हा सामना फक्त 13.3 ओव्हरमध्येच संपवला. पावसामुळे व्यत्यय आलेल्या या सामन्यात न्यूझीलंडने भारताला 37 ओव्हरमध्ये 130 रनचं आव्हान दिलं होतं, ज्याचा पाठलाग टीम इंडियाने 13.3 ओव्हरमध्येच पार केलं. वैभव सूर्यवंशीने 23 बॉलमध्ये 40 रनची खेळी केली, ज्यात 3 सिक्स आणि 2 फोरचा समावेश होता. तर कर्णधार आयुष म्हात्रेने 27 बॉलमध्ये 53 रन केले. आयुष म्हात्रेने 6 सिक्स आणि 2 फोर मारल्या. विव्हान मल्होत्रा 17 रनवर आणि वेदांत त्रिवेदी 13 रनवर नाबाद राहिले. न्यूझीलंडकडून मेसन क्लार्क, जसकरन संधू आणि सेलविन संजय यांना 1-1 विकेट मिळाली.