Vidarbha wins Ranji Trophy: विदर्भने रणजी ट्रॉफी जिंकत रचला इतिहास, 7 वर्षात तिसऱ्यांदा मिळवले विजेतेपद

दुसऱ्या डावात विदर्भच्या फलंदाजांनी पुन्हा दमदार कामगिरी करत सामना आपल्याकडे खेचला. करुण नायरने शानदार शतक ठोकत विदर्भच्या विजयावर शिक्कामोर्तब केले. धावांचा डोंगर रचूनही करुण नायरला टीम इंडियामध्ये स्थान मिळवता आले नसेल पण त्याने त्याच्या विदर्भ संघाला रणजी चॅम्पियन बनवले. पाचव्या दिवशी खेळ थांबला तेव्हा विदर्भचा स्कोर 9 बाद 375 होता आणि त्याचबरोबर विदर्भने रणजी ट्रॉफीच्या इतिहासात आणखी एक सुवर्ण क्षण जोडला. या विजयासह विदर्भने पुन्हा एकदा देशातील सर्वोत्तम संघांपैकी एक म्हणून आपली ओळख निर्माण केली आहे.