वर्ध्याच्या तरुणांचा दक्षिण आशियात डंका, 'सॅम्बो' स्पर्धेत मिळवलं मोठं यश

सहावी ते सातवीत असताना पासून खेळाडू गव्हाणे यांनी मार्शल आर्ट्स मधील विविध खेळ खेळण्यास सुरुवात केली. त्यांना खेळण्यांमध्ये अधिकच रुची होती. त्यामुळे वेगवेगळ्या खेळांमध्ये त्यांनी सहभागी होऊन यश प्राप्त केलं. सध्या मार्शल आर्ट्स या प्रकारामध्ये मोडणाऱ्या सॅम्बो खेळाची तयारी करण्यासाठी ते स्वतःच्या फिटनेस कडे काळजीपूर्वक लक्ष देत असून वर्ध्यातील हनुमान टेकडीवर प्रॅक्टिस, रोज धावणे, उड्या मारणे, किकिंग तसेच त्यांच्या घरी देखील कीक बॅग असून त्यावर प्रॅक्टिस करतात. जिल्हा क्रीडा संकुल येथील हॉल मध्ये देखील नियमित प्रॅक्टिस केली जातेय, त्याचेच हे फळ असल्याचं ते सांगतात.

ही स्पर्धा वेगवेगळ्या वजन गटामध्ये घेतली जाते. ज्यात विक्रांत गव्हाणे यांनी -88 किलो वजन गटात कांस्य पदक प्राप्त केले आहे. तर कॉम्बॅक्ट खेळाडू महावीर वासुदेवराव वरहारे यांनी -98 किलो वजनगटात रौप्यपदक प्राप्त केले आहे. वर्ध्यातील दोन खेळाडूंनी विदेशात अतिशय चांगली कामगिरी बजावल्या बद्दल वर्ध्यात अभिनंदन करून सत्कारही करण्यात आला.

कांस्यपदक प्राप्त केल्यानंतर खेळाडू गव्हाणे यांनी आपल्या भावना व्यक्त केल्या. त्या स्पर्धेत मी कांस्य पदक प्राप्त केलं असलं तरीही माझ्यासाठी आनंदाची अभिमानाची बाब असल्याचं ते सांगतात. वर्ध्यासारख्या छोट्या जिल्ह्यात अनेक खेळाडू तयार होऊन मार्शल आर्ट या खेळ प्रकारात उत्कृष्ट कामगिरी करत आहेत. या खेळाडूंनी नावलौकिक मिळवावा यासाठी आम्हीही प्रयत्नशील असू अशा भावना प्रशिक्षक आणि यशस्वी खेळाडूंनी व्यक्त केल्या.