वर्ध्याच्या महावीरने बांगलादेशात मैदान गाजवलं, हा खेळ खूप कमी लोकांना माहितीय!

हा खेळ मार्शल आर्ट या प्रकारात मोडतो. हॅन्ड टू हॅन्ड हा कॉम्बॅक्ट खेळला जातो. या खेळाचा उगम रशियात झाला असून रशियातील आर्मी हा खेळ खेळतात. भारतातील जवळजवळ 28 राज्यांमधील खेळाडू हा खेळ खेळतात. मिक्स मार्शल आर्ट मध्ये हा गेम खेळला जातो. या खेळात ज्युनियर, सब ज्युनिअर, आणि सीनियर असे गट असतात आणि वजन गटानुसार स्पर्धा घेतली जाते. अठरा वर्षांच्या आतील मुलं ज्युनिअर मध्ये येतात. त्यावरील सीनियर गटामध्ये येतात, असे खेळाडू वरहारे सांगतात.

दररोज पाच ते सहा किलोमीटर रनिंग, शरीराचा स्टॅमिना वाढविण्यासाठी व्यायाम केला जातो. तसेच दिवसातून सकाळी दोन तास आणि सायंकाळी दोन तास असा वेळ तयारीसाठी दिला जातो. किकिंग, पँचिंग, थ्रोइंग, सबमिशन, वजन याकडे लक्ष देऊन प्रॅक्टिस केली जाते, असे खेळाडू वरहारे सांगतात.

सॅम्बो हा खेळ खेळणारे स्पर्धक मेंटली आणि फिजिकली अत्यंत स्ट्रॉंग असावे लागतात. वेळेत जेवण आणि योग्य व्यायाम अशा महत्त्वाच्या गोष्टी पाळाव्या लागतील, असे वरहारे सांगतात.

स्पर्धा जाहीर झाल्यानंतर राज्यातील सचिवांकडून स्पर्धकांना किंवा सॅम्बोचे जे खेळाडू आहेत त्यांच्यापर्यंत संदेश पोहोचविला जातो. व्हाट्सअपच्या माध्यमातून या संदर्भात स्पर्धकांना माहिती आणि स्पर्धेची माहिती कळते. स्पर्धेची माहिती आम्हाला जवळजवळ दीड ते दोन महिन्यांच्या आधी कळते. त्यानुसार आम्ही अधिक जोमाने आमच्या तयारीला लागतो, असे खेळाडू वरहारे सांगतात.

या खेळाच्या स्पर्धेमध्ये खेळत असताना रिंगमध्ये जाण्याआधी तुम्हाला स्वतःला फिट ठेवणं आणि आधीपासूनच मेंटली फिट असणं गरजेचं आहे. इतकंच नाही तर स्पर्धेच्या आधी तुम्हाला थोडा व्यायामही करावा लागतो. अन्यथा तुम्हाला जखमी होण्याची ही जास्त शक्यता असते. या खेळाबद्दल तुमच्या जिल्ह्यातील स्पोर्ट्स कोच यांच्याशी संपर्क साधून अधिक माहिती किंवा तुम्हाला खेळायचं असल्यास तुम्ही खेळू शकता. या खेळामध्ये मुलांसह मुली देखील मोठ्या हिमतीने खेळताना बघायला मिळतात. सेल्फ डिफेन्स आणि करिअर म्हणूनही या खेळाला विद्यार्थी, तरुण-तरुणी निवडू शकतात, असेही वरहारे सांगतात.