WPL: दादाने 50 लाख लावले, पण समोरच्याने काढलं 3 कोटींचं ट्रम्प कार्ड, वर्ल्ड कप जिंकवणारीसाठी पहिल्यांदाच RTM
- Published by:Shreyas Deshpande
Last Updated:
महिला प्रीमियर लीगच्या लिलावाला नवी दिल्लीमध्ये सुरूवात झाली आहे. लिलावाच्या पहिल्या अर्ध्या तासामध्येच मोठा ड्रामा पाहायला मिळाला आहे.
नवी दिल्ली : महिला प्रीमियर लीगच्या लिलावाला नवी दिल्लीमध्ये सुरूवात झाली आहे. लिलावाच्या पहिल्या अर्ध्या तासामध्येच मोठा ड्रामा पाहायला मिळाला आहे. टीम इंडियाला वर्ल्ड कप जिंकवणारी दीप्ती शर्मा यंदाच्या लिलावातली सगळ्यात महागडी खेळाडू ठरली आहे. दीप्ती शर्माचं नाव समोर आल्यानंतर सुरूवातीला कोणत्याच टीमने तिच्यावर बोली लावली नाही, त्यामुळे लिलावाच्या ठिकाणी काही सेकंद सन्नाटा पसरला होता, पण दिल्ली कॅपिटल्सचा प्रशिक्षक सौरव गांगुलीने दीप्ती शर्मासाठी 50 लाखांची बोली लावली.
दीप्ती शर्मावर सौरव गांगुलीने बोली लावल्यानंतर यूपी वॉरियर्सने आरटीएम म्हणजेच राईट टू मॅच कार्डचा वापर केला, त्यानंतर दिल्लीने दीप्ती शर्मासाठी 3 कोटी 20 लाख रुपये द्यायची तयारी दर्शवली, पण यूप वॉरियर्सनेही दीप्तीसाठी तेवढीच रक्कम देऊन आरटीएमचा वापर केला, त्यामुळे दीप्ती शर्मा पुन्हा एकदा यूपी वॉरियर्सकडून खेळताना दिसणार आहे. महिला प्रीमियर लीगच्या लिलावामध्ये आरटीएमचा वापर झालेली दीप्ती शर्मा ही पहिलीच खेळाडू ठरली आहे.
advertisement
महिला प्रीमियर लीगच्या लिलावाआधी यूपी वॉरियर्सने दीप्ती शर्माला रिलीज केलं होतं. डब्ल्यूपीएलच्या मागच्या लिलावात दीप्ती शर्मासाठी यूपी वॉरियर्सने 2.60 कोटी रुपये मोजले होते, पण वर्ल्ड कप फायनलमधल्या कामगिरीनंतर दीप्तीची किंमत तब्बल 60 लाखांनी वाढली आहे.
दक्षिण आफ्रिकेविरुद्धच्या झालेल्या वर्ल्ड कपच्या फायनलमध्ये दीप्ती शर्माने ऑलराऊंड कामगिरी केली होती. दीप्तीने पहिले बॅटिंगमध्ये 58 बॉलमध्ये नाबाद 58 रन केले, यानंतर बॉलिंगमध्ये तिने 9.3 ओव्हरमध्ये 39 रन देऊन 5 विकेट घेतल्या होत्या. या कामगिरीबद्दल दीप्तीला प्लेअर ऑफ द मॅच देऊन गौरवण्यात आलं होतं.
view commentsLocation :
New Delhi,Delhi
First Published :
Nov 27, 2025 4:19 PM IST
मराठी बातम्या/स्पोर्ट्स/
WPL: दादाने 50 लाख लावले, पण समोरच्याने काढलं 3 कोटींचं ट्रम्प कार्ड, वर्ल्ड कप जिंकवणारीसाठी पहिल्यांदाच RTM
