Amazon Prime Video यूझर्सला कंपनी देऊ शकते मोठा धक्का, घेतलाय मोठा निर्णय

Netflix किंवा इतर OTT ॲप्सप्रमाणे, ॲमेझॉन प्राइम व्हिडिओ यूझर्स आता पूर्वीपेक्षा कमी डिव्हाइसमध्ये एकाच वेळी लॉग इन करू शकतील. टिपस्टर इशान अग्रवालच्या म्हणण्यानुसार, ॲमेझॉनने डिव्हाइसची लिमिट निम्मी करण्याचा निर्णय घेतला आहे. सध्या, Amazon प्राइम व्हिडिओ यूझर्स एकाच वेळी 10 डिव्हाइसवर OTT प्लॅटफॉर्मवर प्रवेश करू शकतात. आगामी काळात त्याची लिमिट 5 पर्यंत कमी करण्यात येणार आहे. याशिवाय, यूझर्स केवळ दोन स्मार्ट टीव्हीवर प्राइम व्हिडिओ ॲपमध्ये लॉग इन करू शकतील.

Amazon Prime चे ईअरली सब्सक्रिप्शन 1,499 रुपयांमध्ये येते. यामध्ये युजर्सला टीव्ही आणि मोबाईल दोन्ही डिव्हाइसमध्ये प्राइम व्हिडिओचा ॲक्सेस मिळतो. त्याच वेळी, एका महिन्याचे सबस्क्रिप्शन 299 रुपयांना आणि तीन महिन्यांचे सबस्क्रिप्शन 599 रुपयांमध्ये उपलब्ध आहे. याशिवाय Amazon ने प्राइम व्हिडिओच्या मोबाईल एडिशनसह एक प्लॅन देखील लॉन्च केला आहे, ज्यामध्ये यूझर्स केवळ त्यांच्या स्मार्टफोनवर Amazon प्राइम व्हिडिओ अॅक्सेस करू शकतात.