लाँच आधी Apple iPhone 15 चे फीचर्स लीक, डिझाइन ते किंमत पाहा डिटेल्स एका क्लिकवर

मुंबई, 12 सप्टेंबर :  अत्याधुनिक फीचर्स आणि उच्च दर्जाच्या सिक्युरिटी फीचर्समुळं अ‍ॅपलच्या फोनचे जगभरात चाहते आहेत. आत्तापर्यंत कंपनीच्या सर्व फोनला यूजर्सचा चांगला प्रतिसाद मिळाला आहे. आता कंपनीनं iPhone 15च्या लाँचची तयारी केली आहे. अ‍ॅपल 12 सप्टेंबर रोजी आपल्या वंडरलस्टमध्ये जागतिक स्तरावर iPhone 15 सीरिज लाँच करणार आहे. कंपनीच्या युट्युब चॅनेलद्वारे तुम्ही लाँचिंग इव्हेंट पाहू शकाल. हा कार्यक्रम मंगळवारी भारतीय वेळेनुसार रात्री 10:30 वाजता होणार आहे. या सीरिजमध्ये iPhone 15, 15 Plus, 15 Pro आणि 15 Pro Max लाँच होण्याची शक्यता आहे. नवीन सीरिज कोणत्या रंगात उपलब्ध असेल? त्याची किंमत आणि स्पेसिफिकेशन काय असेल याबाबत अनेक अपडेट्स सतत समोर येत आहेत. एका अहवालात असं म्हटलं आहे की अ‍ॅपल प्रो मॉडेल्समध्ये आकर्षक फीचर्स देऊ करू शकते. शिवाय, नियमित मॉडेल देखील मोठ्या अपग्रेडसह येत असल्याची चर्चा आहे.