ChatGPT तयार करणारी कंपनी बनवतेय नवा AI पेन! फीचरपाहून व्हाल चकीत 

सामान्य पेनसारखे दिसणारे हे डिव्हाइस आश्चर्यकारक फीचर देईल. रिपोर्टनुसार, या पेनने घेतलेल्या नोट्स इंस्टंट डिजिटल टेक्स्टमध्ये रूपांतरित करता येतात. त्यात ऑडिओ क्षमता देखील असतील आणि ते तुमचे बोललेले शब्द डिजिटली रेकॉर्ड करेल. व्हॉइस असिस्टंटने सुसज्ज करण्याची तयारी सुरू आहे. त्याचे सर्वात महत्त्वाचे फीचर म्हणजे चॅटजीपीटीशी कनेक्ट होण्याची क्षमता, ज्यामुळे तुम्ही जे काही बोलता किंवा लिहिता त्यावर नोट्स घेता येतात आणि तुम्ही ते वाचू शकता. शिवाय, मजकूर सारांशित केला जाऊ शकतो आणि पुन्हा लिहिला जाऊ शकतो, सर्व काही मोबाईल फोन किंवा लॅपटॉपशिवाय.

ओपनएआयने या पेनच्या मॅन्युफॅक्चरिंगसाठी यापूर्वी लक्सशेअरशी वाटाघाटी केल्या होत्या. परंतु प्रोडक्शन लोकेशनविषयी ते करारावर पोहोचू शकले नाहीत. आता, असे म्हटले जात आहे की, आयफोन आणि इतर लोकप्रिय गॅझेट्सची निर्माता फॉक्सकॉन पेन तयार करेल.

ओपनएआयला या नवीन डिव्हाइससह एक मोठे आव्हान असेल. यापूर्वी अनेक स्क्रीन-फ्री डिव्हाइसेस लाँच केले गेले आहेत. ज्यात Rabbit R1 आणि Humane AI Pin यांचा समावेश आहे. परंतु त्यापैकी कोणत्याहीने लक्षणीय परिणाम केला नाही. म्हणून, ओपनएआयला त्यांचे गमड्रॉप स्मार्ट पेन प्रॅक्टिकलसह आणि ग्राहकांना आकर्षक बनवण्याचे आव्हान असेल.