Google वर हे सर्च केलं तर गोलगोल फिरु लागेल Screen, विश्वास बसत नाही? मग एकदा ट्राय कराच

सध्या सोशल मीडियावर अशाच एका ट्रिकचा व्हिडिओ प्रचंड व्हायरल होत आहे. लोक म्हणत आहेत की, गुगलवर एक खास आकडा किंवा शब्द सर्च केला की तुमच्या मोबाईलची स्क्रीन चक्क हलून 'भूकंप' आल्यासारखा भास होतो. काय आहे ही जादू? चला तर मग, जाणून घेऊया.

सोशल मीडियावर व्हायरल होत असलेल्या दाव्यानुसार, जर तुम्ही गुगल सर्च बारमध्ये '67' हा आकडा टाईप करून सर्च केला, तर तुमच्या मोबाईल किंवा लॅपटॉपची स्क्रीन जोरात हलू लागते. अनेक युजर्सनी हे ट्राय केलं आणि त्यांना खरोखरच स्क्रीनवर कंप जाणवला. अनेकांना तर असं वाटलं की त्यांच्या फोनमध्ये काहीतरी बिघाड झाला आहे की काय. पण घाबरण्याचं कारण नाही, हा गुगलचा एक 'प्रँक' (Prank) आहे.

तंत्रज्ञानाच्या भाषेत याला 'इस्टर एग' (Easter Egg) म्हणतात. गुगल वेळोवेळी आपल्या युजर्सचे मनोरंजन करण्यासाठी अशा प्रकारचे लपवलेले अ‍ॅनिमेशन्स सर्च रिझल्टमध्ये टाकत असतं.

तसेच, जर तुम्ही "Askew" असं सर्च केलं, तर तुमची स्क्रीन थोडी तिरकी होईल. गुगलने असे अनेक मजेदार फिचर्स केवळ युजर्सना सरप्राईज देण्यासाठी बनवले आहेत.

हे अ‍ॅनिमेशन्स केवळ मनोरंजनासाठी आहेत. यामुळे तुमच्या डिव्हाइसला कोणताही धोका नसतो. जर तुम्हाला ही ट्रिक काम करताना दिसत नसेल, तर एकदा तुमचं ब्राऊजर अपडेट करून पहा. तंत्रज्ञान हे केवळ कामासाठी नसून ते कधीकधी आपल्याला हसवण्यासाठीही असतं, याचं उत्तम उदाहरण म्हणजे गुगलचे हे 'इस्टर एग्स'. तर मग, तुम्ही अजूनही हे ट्राय केलं नसेल, तर आत्ताच गुगलवर जा आणि ट्राय करून पाहा.