Amazon Prime मेंबर सावधान! देण्यात आलाय हँकिंगचा इशारा, असं रहा सेफ
- Published by:Mohini Vaishnav
Last Updated:
Amazon Prime मेंबर्ससाठी सिक्योरिटी वॉर्निंग जारी करण्यात आली आहे. खरंतर, हॅकर्स प्राइम मेंबर्सना टार्गेट करत आहेत. यूझर्सचा अकाउंट डेटा आणि क्रेडिट कार्ड डिटेल्स चोरण्याचा त्यांचा प्रयत्न आहे.
मुंबई : तुमच्याकडे ॲमेझॉन प्राइम मेंबरशिप असेल तर तुम्ही काळजी घेणे आवश्यक आहे. खरंतर, एक हॅकर्स ग्रुप प्राइम सदस्यांना टार्गेट करत आहे. तो केवळ यूझर्सची संवेदनशील माहिती चोरण्याचा प्रयत्न करत नाही तर क्रेडिट कार्ड डेटावरही त्याची नजर आहे. एकदा ही माहिती हॅकर्सच्या हाती लागली की, मोठे नुकसान होण्याचा धोका असतो. या संपूर्ण प्रकरणाविषयी जाणून घेऊया.
हॅकर्स मेंबरशिप एक्सपायर होण्याची भीती दाखवतात
सायबर सुरक्षेसाठी काम करणाऱ्या पालो अल्टोच्या युनिट 42 रिसर्च डिव्हिजनने या हॅकिंग मोहिमेची पुष्टी केली आहे. प्राइम मेंबरशिप संपण्याची भीती दाखवून हॅकर्स ॲमेझॉन युजर्सना टार्गेट करत असल्याचं या विभागाने म्हटलं आहे. ॲमेझॉनचे प्रतिनिधी म्हणून हॅकर्स यूझर्सना पीडीएफ डॉक्युमेंट पाठवत आहेत. ते यूझर्सना अकाउंट डेटा आणि क्रेडिट कार्ड डिटेल्स भरण्यास सांगतात. खरंतर हा फिशिंग हल्ला आहे. फॉर्म भरल्यानंतर कंपनीकडे जाण्याऐवजी हा डेटा हॅकर्सच्या हातात जातो. या हॅकर्सनी Amazon सारखी दिसणारी 1,000 हून अधिक डोमेन नावे नोंदवली आहेत, ज्यामुळे यूझर्सना अडकवणे सोपे होते.
advertisement
अशा हल्ल्यांपासून स्वतःचे संरक्षण कसे करावे?
सध्या सायबर फसवणुकीच्या घटनांमध्ये झपाट्याने वाढ होत आहे. हॅकर्स आणि सायबर फसवणूक करणारे वेगवेगळ्या प्रकारे लोकांना अडकवण्याचा प्रयत्न करतात. असे हल्ले टाळण्यासाठी सतर्क राहणे अत्यंत आवश्यक आहे. कोणत्याही संशयित किंवा अनोळखी व्यक्तीकडून मिळालेली कोणतीही लिंक, मेसेज, ईमेल किंवा डॉक्यूमेंट उघडू नका. कोणी अज्ञात व्यक्ती तुम्हाला OTP, अकाउंट डिटेल्स किंवा इतर संवेदनशील माहिती विचारत असेल, तर ही माहिती त्याच्यासोबत शेअर करू नका. याशिवाय सोशल मीडियावर दाखवल्या जाणाऱ्या आकर्षक जाहिराती आणि ऑफर्सपासूनही दूर राहा.
Location :
Mumbai,Maharashtra
First Published :
January 29, 2025 11:37 AM IST
