Pitru Paksha 2025: महाळाचा महिना! पितृपंधरवडा सुरू असल्यानं अमावस्येपर्यंत काय करावं-काय टाळावं

हा काळ आपल्या पूर्वजांनी आपल्यासाठी केलेल्या त्यागाचे आणि योगदानाचे स्मरण करून देतो. त्यांच्याप्रति कृतज्ञता व्यक्त करण्याची ही एक संधी आहे. हिंदू धर्मानुसार, मृत्यूनंतर आत्म्याचा पुढील प्रवास सुलभ व्हावा यासाठी श्राद्ध, तर्पण आणि पिंडदान करणे महत्त्वाचे मानले जाते. पितृपक्षात केलेल्या या विधींमुळे पितरांच्या आत्म्यांना शांती मिळते, अशी श्रद्धा आहे. ज्या व्यक्तींच्या कुंडलीत पितृदोष असतो, त्यांना पितृपक्षात श्राद्ध विधी केल्याने त्या दोषातून मुक्ती मिळते, असे मानले जाते. पितरांना संतुष्ट केल्याने त्यांचे आशीर्वाद मिळतात, ज्यामुळे कुटुंबात सुख-समृद्धी, आरोग्य आणि शांतता नांदते.

आपल्या पितरांच्या तिथीनुसार श्राद्ध करावे. श्राद्धाच्या दिवशी पितरांसाठी नैवेद्य तयार करावा. तसेच, तर्पण (पाणी अर्पण करणे) करून त्यांना श्रद्धांजली वाहावी. गहू किंवा तांदळाच्या पिठाचा पिंड (गोळा) तयार करून तो पितरांना अर्पण केला जातो. हा विधी मुख्यत्वे पवित्र तीर्थक्षेत्रांमध्ये केला जातो.