लॅपटॉपही होईल फेल! 12 इंच डिस्प्लेसह जबरदस्त टॅबलेट लॉन्च, पाहा फीचर्स 

टिपस्टर सुधांशू अंभोरे यांच्या मते, Poco Pad M1 च्या 8GB रॅम आणि 256GB स्टोरेज व्हेरिएंटची किंमत EUR 349 किंवा अंदाजे 36,000 रुपये असू शकते. लीकनुसार, टॅबलेटमध्ये 12.1-इंचाचा एलसीडी डिस्प्ले असेल ज्याचे रिझोल्यूशन 1,600 x 2,560 पिक्सेल असेल आणि 120Hz रिफ्रेश रेट असेल. हे सेटअप मल्टीमीडिया यूझर्ससाठी ते आणखी आकर्षक बनवते. टॅबलेटमध्ये 8MP रियर कॅमेरा आणि 8MP फ्रंट कॅमेरा असू शकतो. जो व्हिडिओ कॉल आणि बेसिक फोटोग्राफीसाठी योग्य असू शकतो.

Poco Pad M1 मध्ये Snapdragon 7s Gen 4 चिपसेट असण्याची चर्चा आहे. जो LPDDR4X रॅमसह जोडलेला आहे. स्टोरेजमध्ये यूएफएस UFS 2.2 आणि microSD कार्ड स्लॉट असण्याची अपेक्षा आहे. ज्यामुळे स्टोरेज वाढवता येईल. सॉफ्टवेअरच्या बाबतीत, ते Android 15 वर आधारित HyperOS 2 वर चालण्याची अपेक्षा आहे, जे जलद आणि स्मूथ टॅबलेट अनुभव प्रदान करेल. ऑडिओसाठी, क्वाड स्पीकर्स कंटेंट पाहण्याचा अनुभव वाढवतात असे म्हटले जाते.

या टॅबलेटमध्ये 33W फास्ट चार्जिंगला सपोर्ट असलेली मोठी 12,000mAh बॅटरी असण्याची अपेक्षा आहे. त्यात Wi-Fi 6, Bluetooth 5.4 आणि USB 2.0 सारख्या कनेक्टिव्हिटी फीचर्ससह येऊ शकते. लीकनुसार, ते 610 ग्रॅम वजनाचे आणि 7.5 मिमी जाड असू शकते. TDRA वेबसाइटवर Poco Pad M1 देखील दिसला होता. जिथे फक्त एक Wi-Fi मॉडेल लिस्टेड होते. असे मानले जाते की, Poco Pad M1 प्रत्यक्षात Redmi Pad 2 Pro चे रीब्रँडेड व्हर्जन असू शकते, जे अलीकडेच EUR 299.90 च्या सुरुवातीच्या किमतीत लाँच करण्यात आले होते.