एकनाथ शिंदेंच्या बालेकिल्ल्यात राज ठाकरेंचा धमाका, केला आजपर्यंत सगळ्यात गंभीर आरोप

"कल्याण डोंबिवलीतील लोक आणायची होती. आज एका एका घरात ५ हजार वाटत आहे. मला कळत नाही, विकास केला आहे मग पैसे का वाटत आहे. मला पैसे घेणाऱ्यांची चिंता वाटत आहे. आपण ५ ५ हजार आपल्या मुला मुलींना काय सांगत आहे. उद्या समाजात जातील काय सांगितली माझा बाप आणि आई मतासााठी विकले गेले. उद्या त्यांचे मित्र परिवार काय म्हणतील. उद्या ते म्हणतील यांचे आई वडील पैसे घेतात. कल्याण डोंबिवलीमध्ये गुलामांचा बाजार केला, पैसे देऊन उमेदवारी मागे घेण्यास मागे भाग पाडलं.

"सुशील आवटे यांना १ कोटी रुपयांची ऑफर दिली होती, ती ऑफर नाकारली, अजून बरेच जण आहे. कुठून येतोय हा पैसा, काय चाललं आहे. किती पैसे वाटायचं आहे. महाराष्ट्रभर पैसे वाटले आहे. टाकसाळ आहे. कुणाला ५ कोटी, कुणाला १० कोटी, कुणाला १ कोटी बघायचं नाही. ही कोणती निवडणूक आहे, अशी निवडणूक नाही पाहिली. काही लगामच नाही, या लोकांना. बिनधास्त काही करायचं, कोर्टात जाऊन, पोलिसांमध्ये जाऊन उपयोग नाही. आमची मर्जी सुरू आहे.

बदलापूरमध्ये अक्षय शिंदेंचा एन्काऊंटर केला आहे, या नराधमांना ठार मारलं पाहिजे, पण काही गुपीत बाहेर येणार होतं का, पण सहआरोपी तुषार आपटे होता, त्याला स्विकृत उमेदवारी भाजपने दिली. अविनाश जाधव यांनी धमकी दिली, मोर्चा काढणार आहे. त्यानंतर त्या उमेदवाराने अर्ज मागे घेतला.  कोण आहात तुम्ही ५ हजार तुमच्या तोंडावर फेकून मारले जातील. इतकी हिंमत कुठून येते. छगन भुजबळ यांना जेलमध्ये टाकणारे देवेंद्र फडणवीस होते. जेव्हा आले तेव्हा मला चांगले वाटले होते. पण आता काय झालं माहित नाही. काल तो अण्णा मलाई आला होता, मुंबईचा आणि मराठी माणसाचा काही संबंध नाही आणि फडणवीस काय म्हणताय, त्याचा असा अर्थच नाही. मला असं कळत इंग्रजी त्यांना कळत असेल. खोट बोलत राहायचं, खोटं बोलत राहायचं आणि खोट्याचं खरं करायचं.

"माझ्या घरी अदानी येऊन गेले, माझ्या घरी इतर उमेदवार येऊन गेले, माझ्याकडे आनंद महिंद्रा सुद्धा येऊन गेले, अनेक कलाकार येऊन गेले. मग मी काय त्यांची पापं झाकायची का, काल जे तुम्हाला दाखवलं हे भयानक आहे, भीषण आहे. दोन तीन वर्षांचा फोटो दाखवला आहे. आाता घरी आले आहे तर हाकलून देऊ का, ज्या ज्या वेळी महाराष्ट्रावर संकट येईल राज ठाकरे दोस्ती बिस्ती काही बघणार नाही. अडानींशी दोस्ती करण्याचा विषयच येत नाही, मी इतका अडानी नाही. मी जे दाखवलं ते भीषण आहे.

हा माणूस सिमेंट मध्ये नव्हता आज देशात सिमेंटमध्ये दुसरा माणूस आहे. देशात दोन नंबरचा सिमेंट विकणारा माणूस आहे. आज इथं गुजराती माणसं इथं आली आहे, आमचं तुमचं काही भांडण नाही, आता आमच्याशी भांडायला येऊ नका, पण ही लोक मुद्दामहून करत आहे. अडानींना देशातील ८ ते १० विमानतळं दिली आहे.  नवी मुंबईतील एकच विमानतळ बांधलं आहे, बाकीची सगळी विमानतळं हे गन पॉईंटवर हस्तगत केली आहे. दुसरे चालवत असलेली विमानतळं अदानी यांनी ताब्यात घेतली आहे. पोर्ट गुजरात मधलं मुनरा पोर्ट आहे, पण देशभरातील इतर पोर्ट हे गन पॉईंटवर अदानींनी ताब्यात घेतली आहे. फक्त केंद्राचा दबाव आणि नरेंद्र मोदींचं नाव एका गोष्टीवर हा व्यक्ती देशभर पसरत गेला आहे. उद्या ही पोर्ट बंद झाली तर तुमचा व्यापार ठप्प, वीज बंद केली, तुमची लाईट बंद, मग तक्रार कुठे करायची.

महिन्याभरापूर्वीची गोष्ट आहे. हा देशही काही विसरला नसेल, इंडिगोची विमानं बंद होती, इंडिगोच्या माणसांनी ६५ टक्के हवाई वाहतूक दिली आहे. त्यांनी आंदोलन केलं, विमानं बंद केली. अख्खा देश ठप्प झाला होता. विमानतळावर लोक अडकून पडली होती. देश अख्खा ठप्प, एक विमान कंपनी तुमचा देश बंद करू शकते. आज अदानींच्या हातात, सिमेंट आहे, विमानं आहे, पोर्ट आहे, उद्या जर सिमेंटचे भाव वाढवले तर घराच्या किंमती वाढतील. एक माणूस हे सगळं ठरवतोय, २०१४ ते २०१५ मध्ये एकच माणूस श्रीमंत झाला आहे, तो अंदानी आहे. टाटा , बिर्ला यांना ४० -५० वर्ष लागली आहे. इथंच एक विमानतळ होणार आहे. सांताक्रुझमध्ये विमानतळ हळूहळू बाहेर काढणार, नवी मुंबईला नेणार आणि मुंबई विमानतळाचा प्लॉट विकायला काढणार?

मी उद्योगपतीच्या विरोधात मी नाही, पण एकाच उद्योगपतीवर इतकी मेहरबानी का, हे विचारणारा माणूस मी आहे. बाकीचे उद्योगपती मेले आहे का, आणि मग या माणसाला सतत पुढे करायचं आहे. सगळं सुरू आहे. वाढवणच्या पुढे गुजरात लागत आहे. ही आपली शहर, ही आपली मराठी शहरं, याच्यावर मराठी ठसा पुसायचा आहे. नवरात्रीला गरबा खेळला जात असतो, आपलीही लोक जातात, महिलाही जातात, चांगली गोष्ट तो आानंदाचा ,सणाचा विषय आहे. मुंबई महाराष्ट्राची राजधानी आहे, मुंबई विमानतळ जेव्हा अदानीने ताब्यात घेतलं त्यावेळी विमानतळावर गरबा खेळवण्यात आला. मुंबई तुमची नाही ही ओळख पुसून टाकायची आहे. गणपती काय ढोल लेझिम नाही का, विमानतळावर ढोल लेझिमच वाजलं पाहिजे, आपण इथं सगळे राहतो, इथं आला गुण्यागोविंदाने राहा, आमच्या घरी यायचं कपाट दुरस्ती करणे चालू आहे आणि बायकोकडे नजर टाकायची हे खपवून घेणार नाही.

या आताच्या १५ तारखेला शिवसेनेची मशाल आणि मनसेचं इंजिन धावलं पाहिजे, आम्हाला सत्येचा हव्यास नाहीये, डोळ्यादेखत ही शहरं घेऊ नये. १५ तारखेला सतर्क राहा, सकाळी ६ वाजता बुथवर जा आणि जे काल सांगितलं तर दुबार मतदार करण्यासाठी आले तर तिथेच कानफटवायचे, तिथेच ठोकायचे आहे. तिथेच मारायचे आहे. ही शहरं वाचवा,