Thane News: दोन सख्ख्या तरुण बहिणी घरातून गायब, 'त्याच्या'वर संशय, पण तपासातून पुढं आलं धक्कादायक कारण

कल्याणमधील या कुटुंबात राहणाऱ्या दोन बहिणी घरातून अचानक गायब झाल्या होत्या. तपास अधिक सखोल केला असता समोर आले की, सावत्र आई आणि सख्खा वडील दोघांकडून मुलींवर मारहाण केली जात होती आणि त्यांना शिक्षण घेऊ दिलं जात नव्हतं. मुलींना शिक्षण पूर्ण करून पुढे स्वतः काहीतरी करायचं होतं, पण घरात परिस्थिती अशी होती की राहणं सुरक्षित नव्हतं. त्याच कारणामुळे त्या घर सोडून गेल्या होत्या.

पोलिसांनी मुलींशी संबंधित मोबाईल क्रमांक तपासला. त्या क्रमांकाच्या तांत्रिक माहितीच्या आधारे लोकेशन मिळाली आणि लक्षात आले की बहिणी अंबरनाथजवळील एका मित्राच्या घरी सुरक्षित होत्या. पोलिसांनी त्या तिथे जाऊन दोन्ही बहिणींना सुरक्षितरीत्या शोधले आणि विठ्ठलवाडी पोलिस ठाण्यात आणले. मुलींनी सांगितले की, त्या आता घरात राहू इच्छित नाहीत आणि स्वतःच्या पायावर उभ्या राहून शिक्षण सुरू ठेवायचं आहे. त्यांनी आपले भविष्य स्वतः घ्यायचं ठरवले आहे. असं या तपासात पोलिसांना त्यांनी सांगितलं.