Video: माशाची शेव, माशाची चकली, माशाची... खायचं सोडा कधी पाहिलेही नसतील असे चटपटीत पदार्थ!

छत्रपती संभाजीनगर : कन्नड तालुक्यातील वैसपूर येथील दुर्गा बिरोटे गेल्या वर्षभरापासून मत्स्य मूल्यवर्धित लोणच्यासह विविध प्रकारचे पदार्थ तयार करत आहेत आणि त्यांची विक्री करतात. त्यात लोणचे, शेव, चकली, पापड यांसारखे पदार्थ विशेष लक्षात येतात. सर्व पदार्थ तयार करताना मासे स्वच्छ करून, त्याचे वरचे भाग आणि काटे काढले जातात. लोणच्यात अद्रक, लसूण, मोहरी, हिरवी मिरची, मीठ आणि हळद वापरून हे स्वादिष्ट मत्स्य लोणचे बनवले जातात. या व्यवसायामध्ये एकूण 13 महिला काम करतात, त्यांची महिन्याला 1 लाख कमाई होते. याबरोबरच दुर्गा बिरोटे यांच्याकडून लोणचे आणि इतर पदार्थांबद्दल सविस्तर माहिती लोकल 18 च्या माध्यमातून जाणून घेऊ.