डोंबिवलीतील ४० वर्षांची चव! 'पाटकर वडापाव' आजही खवय्यांची पहिली पसंती

डोंबिवली: महाराष्ट्रात वडापाव मिळत नाही असं एकही शहर आणि गाव नसेल. प्रत्येक शहरात वडापावची काही प्रसिद्ध ठिकाणे असतात. मुंबई आणि वडापाव हे तर वेगळंच समीकरण आहे. डोंबिवलीतही गेल्या 40 वर्षांपासून वडापाव मिळणार एक ठिकाण प्रसिद्ध आहे. विशेष म्हणजे तीच चव आणि तोच स्वाद जपणाऱ्या श्री साईबाबा वडापावस सेंटरला खवय्यांचा तसाच प्रतिसाद आजही मिळतोय. ‘पाटकर वडापाव’ म्हणून ओळखल्या जाणाऱ्या या वडापावच्या स्टॉलवर खवय्यांची नेहमीच गर्दी असते.