पुण्यातील 'या' बेकरीत मिळतायत चॉकलेटचे तिळगुळ; परंपरा आणि आधुनिकतेचा गोड संगम

पुणे : मकर संक्रांती म्हणजे गोडवा, आनंद आणि आपुलकीचा सण. तिळगुळ घ्या, गोड गोड बोला या परंपरेनुसार तिळगुळ वाटण्याची प्रथा आजही तितकीच जिवंत आहे. मात्र, काळानुरूप बदल स्वीकारत पुण्यातील सोमवार पेठेतील मूर्ती बेकरीने या पारंपरिक सणाला आधुनिकतेची गोड जोड दिली आहे. गेली अनेक वर्ष विविध सणांनिमित्त चॉकलेटचे खास पदार्थ बनवणारी ही बेकरी मकर संक्रांतीसाठी खास तिळगुळ चॉकलेट तयार करत असून ते पुणेकरांचे विशेष आकर्षण ठरत आहे.