गाजरचा हलवा खाऊन झोपले, सकाळी उठलेच नाहीत; अख्खं कुटुंब संपलं! तिघांचा मृत्यू

थंडीचा कालावधी आणि त्यात गाजरचा हलवा नाही, असं होणारच नाही. कित्येक कुटुंबामध्ये गाजरचा हलवा असतोच. असंच गाजराचा हलवा खाणारं एक कुटुंब, रात्री गाजरचा हलवा बनवून खाल्ला आणि सकाळी हे कुटुंब उठलंच नाही. कुटुंबातील तिघांचाही मृत्यू झाल्याची धक्कादायक घटना घडली आहे. (प्रतीकात्मक फोटो : AI Generated)

हरियाणातील फरिदाबादमध्ये सरूरपूर भागात राहणारं हे कुटुंब. परशुराम, रमेश, रमेशची पत्नी ममता आणि रमेश-ममताचा 5 वर्षांचा मुलगा छोटू. कुटुंबातील चार सदस्य एकत्र झोपले होते. परशुराम सकाळी उठला आणि त्याने इतरांना उठवायचा प्रयत्न केला पण कुणी उठलंच नाही. परशुरामला सकाळी जाग आली. त्याने भाऊ आणि वहिनीला उठवण्याचा प्रयत्न केला. पण कोणीच उठलं नाही. (प्रतीकात्मक फोटो : AI Generated)

परशुरामने सांगितलं की, त्याच्या वहिनीने आदल्या रात्री गाजरचा हलवा बनवला होता, जो सर्वांनी खाल्ला होता. सकाळी 5 वाजता तो उठला तेव्हा त्याने त्याचा भाऊ आणि वहिनीला उठवण्याचा प्रयत्न केला. पण ते उठले नाहीत, तेव्हा त्याने तोच हलवा पुन्हा खाल्ला आणि तो पुन्हा झोपून गेला. (प्रतीकात्मक फोटो)

बराच वेळ झाला तरी भाऊ, वहिनी आणि पुतण्या उठला नाही. तेव्हा परशुराम घाबरला. त्याने घरमालकाला फोन करून बोलावलं. घरमालकाच्या म्हणण्यानुसार, हे सर्व कामगार होते. ते मूळचे बिहारचे. त्यांनी 2 महिन्यांपूर्वीच त्याच्याकडून घर भाड्याने घेतलं होतं. परशुरामच्या म्हणण्यानुसार, मृत रमेशच्या नाकातून आणि तोंडातून रक्त येत होतं. इतरांच्याही तोंडातून फेस येत होता. (प्रतीकात्मक फोटो)

पोलिसांनी घटनास्थळी पोहोचून मृतदेह ताब्यात घेतले आणि पोस्टमॉर्टेमसाठी बादशाह खान सिव्हिल हॉस्पिटलच्या शवागारात पाठवलं. घरात शेकोटी आढळल्याचं पोलिसांचं म्हणणं आहे, पण शवविच्छेदन अहवाल आल्यानंतरच मृत्यूचं कारण स्पष्ट होईल. (प्रतीकात्मक फोटो : AI Generated)