'शाही वरात' थेट जेसीबीतून कोल्हापूरच्या या वरातीने सोशल मीडियावर घातला धुमाकूळ.

कोल्हापुरात एका नवदाम्पत्याची शुक्रवारी रात्री काढण्यात आलेल्या वरातीची चर्चा शहर परिसरात पाहायला मिळाली. कोल्हापूर-गगनबावडा रोडवरील खांडसरी परिसरातून शिंगणापूर रोडवरील पाण्याची टाकी येथील नवरदेवाच्या घरापर्यंत ही वरात काढण्यात आली. संकेत व पूजा माने असे या नवदांपत्याचे नाव आहे. जेसीबी मध्ये बसलेले नवरानवरी आणि पुढे डीजेच्या ठेक्यावर थिरकणारे नातेवाईक, मित्रमंडळी असे चित्र यावेळी पाहायला मिळाले. संकेत यांचे वडील राजेश दत्तात्रय माने हे एक JCB व्यावसायिक असून त्यांच्या मालकीच्या चार जेसीबी आहेत. केवळ हौसेपोटी त्यांनी या जेसीबींपैकी एक जेसीबी मशीन आपल्या मोठ्या मुलाच्या वरातीसाठी वापरली होती..