ट्रम्प यांची Apple ला उघड धमकी, भारतावरचा राग iPhone वर काढला, ब्लॅकमेलच्या आदेशाने खळबळ

मुंबई : अमेरिकेचे राष्ट्राध्यक्ष डोनाल्ड ट्रम्प यांनी पुन्हा एकदा ऍप्पलचे सीईओ टीम कुक यांना उघड धमकी दिली आहे. अमेरिकेत विकले जाणारे आयफोन हे भारतात किंवा इतर कोणत्याही देशात नव्हे तर अमेरिकेत बनवले पाहिजेत, अन्यथा त्यांना किमान 25% कर भरावा लागेल, असा इशारा ट्रम्प यांनी दिला आहे. ट्रुथ या सोशल मीडिया प्लॅटफॉर्मवरून ट्रम्प यांनी ही पोस्ट केली आहे. 'मी अॅपलच्या टिम कुकना खूप पूर्वी सांगितले होते की अमेरिकेत विकले जाणारे त्यांचे आयफोन अमेरिकेतच तयार होतील,अशी माझी अपेक्षा होती, भारतात किंवा इतर कुठेही नाही', असंही ट्रम्प म्हणाले आहेत.