कुशीत लेक अन् मागे देवीची मूर्ती, तो फोटो ठरला अखेरचा! बांग्लादेशमध्ये हिंदू व्यापाऱ्याची हत्या

देवीचं दर्शन मागे देवीचा फोटो आणि सदैव आशीर्वाद असूदे मनातून येणारे भाव आणि लेकीला कडेवर घेऊन काढलेला तो सेल्फी अगदी शेवटचा ठरेल याची मनात पुसटशी देखील कल्पना नव्हती. हा सेल्फी शेवटचा ठरला अन् लेकीला आता कडेवर घेऊन खेळवणारा बाबाही पुन्हा कधीच भेटणार नाही. पित्याची चाकूने सपासप वार करून हत्या करण्यात आली आहे. बांगलादेशात नरसिंदी जिल्ह्यात एका हिंदू व्यापाऱ्याची चाकूने भोसकून हत्या करण्यात आली. मागच्या २४ तासांत हिंदू समाजातील व्यक्तीची हत्या होण्याची ही दुसरी घटना आहे. यामुळे स्थानिक अल्पसंख्याकांमध्ये भीतीचे वातावरण पसरले आहे.